Salmos 78:5 - Cofán: Chiga Tevaen'jen

⁵ Chigaja tise manda'choma Jacob aindeccunga conda. Nane israendeccunga tsu conda ma'caen ñotsse canseya'chove. Tsa'caen condapa ingi tayopisundeccunga manda cuintsu tise'pa dushundeccunga tsama atesian'faye.

Salmos 78:5 Referans Kwoze

Deuteronomio 6:7

Anttembe'yi que'i dushundeccunga'qque tsama condase'faja. Tisu tsaoni dyai'a'qque tsambi'ta tsaiqui'ye jayi'a'qque tsane condase'faja. Nane anañe ccui'a'qque, toya'caen sinte qquendyapa jangi'a'qque tsane condase'faja.

Efeso'su 6:4

Yayandeccu, que'i dushundeccuma panshaen iyu'ujama iyicca'ye'fasa'ne. Tsa'ma tansintsse atesiamba coeñaña'cho. Na'su Chiga nafattianqquia'caen tise'pama nafattiamba atesiaña'cho.

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

Romanos 3:2

Ju, osha'chone tsu israendeccuja ti'tsse an'bian'fa. O'tie tsu Chigaja israendeccunga Tise Aya'fama afa.

Salmos 19:7

Na'su atesian'choja ñoa'me tansintssi tsu. Cuna injama'chove tsu ñoña. Chiga mandaqquia'caen tsonsi tsu in'jambi'choa a'i'qque injama'pave daya.

Éxodo 40:20

Pa'cco Chigai'ccu cachuicco'je'tti'su carpama ccutsiansi tsu Moisésja Chiga a'i'ccu injancco'fa'chove canjaen'cho cafonga ppiña Chiga manda'choma tevaen'cho patufin'dima. Tsama ppiñamba tsu angaqque'su quini'ccoma ejiamba corima ñoña'cho piccofin'di'ccu picco.

Éxodo 12:27

qquen conda'faja: ‘Va aña'chota tsu Na'su Chiga tson'chone injienge'cho aña'cho. Nane tayopi tise egiptondeccuma fitti'ttiye jacamba israendeccu Egiptoni can'jen'cho tsa'oma panshan. Tsa'caen panshamba ingi tayopi'su aindeccuma ccushaen'choma injan'jeñe injienge'cho aña'cho tsu.’ ” Tsama pañamba israendeccuja puntssamba Na'su Chigama ñotsse afapa