Salmos 5:5 - Cofán: Chiga Tevaen'jen

⁵ Tisuja ñotssi qquen in'jan'choja quenga catseye oshambi. Nane queja egae tsinconsundeccuma ñoa'me chi'ga.

Salmos 5:5 Referans Kwoze

Salmos 1:5

Tsa'camba tsu Chiga tise'pa injama'choma somboen'jenqui tsendeccuja ccusha'faya'bi. Toya'caen ño'andeccui'ccu fae'ngae canse'faya'bi tsu.

Mateo 25:41

Tsomba tsu na'suja tise pavefani ccutsu'chondeccuma suya: “Ña'ñe joqquitssipa si'nge anchanda'je'chonga tsangae ja'faja. Cocoya na'sune tisema shondosundeccune'qque tsu si'nge anchanda'je'chove tayo ñoña. Tsama Chiga que'ima'qque chi'gasi tseni japa tsangae can'jen'faja.

Mateo 7:23

Tsonsi gi tise'pama tansintsse suya: “Ña'ñe joqquitssi'faja, egae tsinconsundeccu. Ña a'i'fambi qui.”

Salmos 94:8

¡Sumbindeccu, ñotsse pañamba in'jan'faja! ¿Minga'ni qui in'jan'faya?

Salmos 14:1

A'i sumbija tise injama'choni “Chigaja jimbi” qquen su. Ju, poiyi'cco tsu egae dapa ñoa'me in'jangae tsincon'fa. Me'i'on tsu ñotsse tson'suve.

Salmos 10:3

Egae tsincon'suja tise injama'choni in'jangae in'jamba avujatsse tsane condase. Panshaen osha'chove in'jamba egae afapa Na'su Chigama afase.