Salmos 2:2 - Cofán: Chiga Tevaen'jen

² Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

Salmos 2:2 Referans Kwoze

Mateo 26:59

Tsonsi Chigama afa'su nasundeccu, israe'su coenzandeccu bo'fa'cho'qque ma'caen Jesúsma afopoeña'chove ttatta'fa cuintsu Jesúsja tsesuma shacaen qquen supa tisema fi'ttiye mandaye.

Mateo 27:1

A'tasi toya ñoa'me sinte'yi poiyi'cco Chigama afa'su nasundeccu, israe'su coenzandeccui'ccu bopa fae'ngae su'fa Jesúsma fi'ttiye.

Salmos 45:7

Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema aseitei'ccu fetipa na'suve ccutsiansi qui queja poiyi'cco nasundeccuma ti'tsse avujatssi.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Juan 1:41

Tse'faei'ccuyi tise quindya Simónma tta'ttapa attepa su: —Mesíasma gi atte'fa. (Chiga moen'cho Cristo qquen su'cho tise'pa aya'fangae.)

Salmos 2:10

¡Ande nasundeccu, govierno aindeccu'qque va su'choma ñotsse paña'faja! Pañamba Na'su tsoña'choma ñotsse avujatsse afa'faja.

Juan 3:34

Nane Chigaja Tise Qquendya'pai'ccu se'pimbe'yi Tise moen'cho Jesúsma in'jaensi tsu pa'tssi Chiga Aya'fama afa'je.

Salmos 89:20

¡Attepa gi ttu'se ñama shondo'su Davidma! Ttu'sepa gi ña ñotssia aseitei'ccu tise tsovenga fiñamba na'suve tson.

Éxodo 16:7

Toya'caen tu'i sinte qui atte'faya Na'su Chigambe ñotssiama. Nane tayo tsu paña que'i tisema afase'choma. ¿Ñoa'me ingima afase qquen in'jamba ti qui ingima afase'fa?

Hebreo'su 1:9

Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema na'suve ccutsiansi qui queja poiyi'cco nasundeccuma ti'tsse avujatssi.

Juan 15:23

Nane majan ñama chi'ga'ta ña Yayama'qque tsu chi'ga.

Lucas 13:31

Toya Jesús tsa'caen atesian'jen'ni majan fariseondeccu jipa tisema su'fa: —Va'ttieja junde jaja. Ande na'su Herodes tsu quema fi'ttiye in'jan.

Mateo 2:16

Injama'pandeqquia ccafaeyi ja'fasi ande na'su Herodes pañamba afopoen'fa qquen in'jamba ñoa'me iyicca'ye. Iyicca'yepa manda cuintsu poiyi'cco Beléni'su tsandie du'shuma fitti'tti'faye. Toya'caen Belén canqque pporotsse can'jensundeccumbe tsandie du'shuma'qque fitti'ttiye manda. Nane injama'pandeqquiai'ccu tayo condasepa o'fe maqui attian'choma agattopa poiyi'cco tsandie dushundeccu majan dos canqque'fama bove'ccoama fitti'ttiye manda.

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Salmos 110:5

Na'suja que tansinfani dyaipa tise iyiccoya'cho a'ta nepisi nasundeccuma patsupa sefaeña.

Tson'fa'cho 9:4

Tsa'caen attiansi Sauloja andenga amppipa qquen su'choma paña: —Saulo, Saulo, ¿jongoesie qui ñama noñangiamba mandiancan?

Mateo 26:3

Tsa'caen Jesús su'je'qui tsu cca'ttinga Chigama afa'su nasundeccu, Chiga manda'choma atesiansundeccu, israe'su coenzandeccui'ccu fae'ngae bo'fa. Ti'tsse'tssia Chigama afa'su na'su, Caifás tsaoni bo'fa.