Salmos 19:8 - Cofán: Chiga Tevaen'jen

⁸ Na'su Chiga in'jamba su'choja ñotssia tsu. A'i injama'choma tsu avujaen. Na'su manda'choja egave me'choa tsu. A'i tso'fema tsu attian.

Salmos 19:8 Referans Kwoze

Romanos 7:22

Ña injama'cho tsosipie gi Chiga manda'choma in'jan.

Galacia'su 2:19

Ñoa'me gi manda'choma pañamba paqquia'caen oshambi. Tsa'cansi tsu manda'choja ja'ño ñama mandaye oshambi. Tsa'ma ja'ñonda gi Chigama pañamba canse.

Romanos 3:20

Tsa'cansi a'ija Chiga manda'choma pañamba tso'an'qque toya tsu napiya'bi cuintsu Chigaja suye “Que qui ño'a.” Nane a'inga tise'pa egae tsincon'chone canjaeña'choveyi tsu Chigaja Tise manda'choma afa.

Romanos 7:7

Jen'da ¿jongoesu qquen gi suya? ¿Manda'chota ti ega? Me'i. Egambi tsu. Tsa'ma toya'caen, manda'choma pañambiecan'da egae tsincon'choma gi atesu'fambiye'can. Tsa'caen manda'cho condambiecan'da ¿ma'caen gi atesu'faye'can faesu a'i an'bian'choma in'jañe ega've? Tsa'ma manda'cho “Faesu a'i an'bian'choma in'janjama” qquen susi gi ega've atesu'fa.

Salmos 105:45

cuintsu anttembe'yi Na'su atesian'choma in'jamba tise manda'choma'qque pañamba tson'faye. ¡Ñotssi tsu Na'su Chigaja!

Salmos 40:8

Ña Chiga, que in'janqquia'caen tsoñe gi ñoa'me avujatssi. Ña injama'choni gi que atesian'choma an'bian tsa'caen tsoñe.

Génesis 26:5

Nane Abrahamjan ñama pañamba pa'cco ña mandapa antte'choma nanitsse tson. Tsa'caen ña atesian'choma pañamba tsonsi gi tise dushundeccui'ccu poi ande'su aindeccuma ñotsse tsoña.”

Galacia'su 3:21

Qquen susi ¿manda'chota ti Chiga ñoa'me su'choi'ccu poini ccofettacco'je? Me'i. Manda'choi'ccuyi a'ima ccushaeña'choecan'da tsa'caen tsu Chigaja mandaye'can cuintsu a'i ño'ame da'faye.