Rut 3:9 - Cofán: Chiga Tevaen'jen

⁹ Attepa iñajampaña: —¿Majan qui queja? Tsonsi Rutja su: —Ña gi Rut, quema shondo'su. Queta qui ña antian. Tsa'camba qui que ñama coiraya'cho. In'jan gi que ñama pusheye.

Rut 3:9 Referans Kwoze

Rut 2:20

Pañamba Noemíjan tise chinama su: —¡Tise ñotsse tsonsi cuintsu Na'suja tisema ñotsse tsonjan! Nane Na'suja anttembi tsu ingi cansendeccui'ccu toya'caen tayo pa'chondeccui'ccu tisu ñotsse tson'jen'choma. Tsa tsandieja ingi antian tsu. Tsa'camba tise tsu ingima coiraya'cho.

Rut 3:12

Ñoa'me gi que tsa'ndu'yembe pporotssi'su antian, quema pushepa coiraye. Tsa'ma faesu tsu ti'tsse pporotssi.

Lucas 14:11

Poiyi'cco majan patsuye in'jan'da utu'ccoe tsu da'faya. Tsa'ma poiyi'cco majan patsuye in'jambi'ta ti'tsse joccapitssia've tsu da'faya.

Rut 3:8

Enttinge cose injanjangi bittapa Boozja atte pushesu tise tsu'ttei'ccu pporotsse ccui'choma.

Rut 3:10

Tsonsi Boozja su: —¡Na'su Chiga tsu quema ñotsse tsoña! Tayoe ñotsse tsomba ja'ño'qque qui ti'tsse que tsa'ndu'yema ñotsse tsoñe in'jan ñama tsa'ndupa tise inisema du'shunga afepa. Nane majan ñama ti'tsse chu'ama, tise rico tsambi'ta va'chama, qui tsa'nduye osha. Tsa'ma queja tsa'caen injan'choma catipa ñama tsa'nduye afa.

Rut 4:4

In'jan gi que tsama atesuye. Que chavaye in'jan'da ja'ño tsa'caen tsoñe qquen suja poiyi'cco va coenzandeccu dyaipa paña'jen'ni. Tsa'ma que chavaye in'jambi'ta ñanga condaja. Nane queja Elimelec'ye ti'tsse porotssi'su antiansi quenga tsu o'tie antteye tise andema chavaya'chove. Tsa'ma que chavaye in'jambian'da ña chavaya'chove tsu antteya. Booz tsa'caen susi tise antianjan su: —Ju, chavaya gi.

Rut 4:6

Tsama pañamba tise antianjan su: —Tsa'caen daya'chomanda gi ñoa'me chavaye oshambi ña dutssi'ye coenzanga afeya'choma qqueñasa'ne. Tsa'ma que chavaye in'jan'da chavaja. Ña gi que chavaya'chove antte.