Rut 3:14 - Cofán: Chiga Tevaen'jen

¹⁴ Tsa'caen susi Rutja Booz tsu'ttei'ccu pporotsse ccuipa ana a'ta. Tsa'ma Boozja cuintsu faesundeccu pushesu tse'tti ana'chove atesumbe pasa'faye in'jamba ñoa'me sinte'yi toya a'ta ccutsumbi'te Rutma qquendyaemba

Rut 3:14 Referans Kwoze

2 Corinto'su 8:21

Nane in'jan gi Chiga caña'jensi ñotsse tson'faye. Tsa'ma a'i'qque caña'jensi ñotsse tson'fa'choma tise'panga canjaeñe gi va faesu a'i'ccu fae'ngae jacan'fa.

Romanos 14:16

Que'ine tsu ñotssi. Tsa'ma cca'indeccu “Ega tsu” qquen in'jan'ninda bove ñotssi tsu tsa'caen tsombe'yi can'jeñe cca'indeccu afasesa'ne.

1 Pedro 2:12

Chigave in'jambindeqquiai'ccu can'je'an'qque ñotsse canse'faja. Tsendeccuja que'ima afase'fa in'jangae tsinconsundeccu qquen in'jamba. Tsa'ma tsa'caen afase'a'qque que'i ñotsse tson'choma attepa tsu Chigama ñotsse afa'faya maqui a'ta Chiga jipa a'i injama'choma somboeñe ttu'se'nijan.

1 Corinto'su 10:32

Que'i asi'ttaembe tson'choi'ccu israendeccuma qqueña'fajama. Ni Chigave in'jambi'chondeqquiama'qque qqueña'fajama. Ni Cristove in'jan'cho faengasundeccuma'qque qqueña'fajama.

1 Tesalónica'su 5:22

Toya'caen osha'cho ega'ye joqquitssi'faja.

Romanos 12:17

Faesu que'ima egae tsonsi ccane'qque tsa'caen egae tson'fajama. Tsa'ma poiyi'cco a'i caña'jen'ni ñotsse tson'choveyi tson'faja.

Rut 3:15

tisema su: —Que oppoen'jen'cho sarupama oshichhapa va'ttinga ppaiñajan. Rut tsa'caen tsonsi Boozja cebadama ochenta librave tsanga tuiña. Tuiña on'boemba tisema fuitepa opiansi toequi canqqueni ja.