Rut 2:7 - Cofán: Chiga Tevaen'jen

⁷ Tiseja ‘Chigáne ñama antteja taisundeccumbe sepaccoe tise'pa shequian'jen'choma tai jacañe,’ qquen susi gi tisema antte. Anttesi tsu sinte'yi ji'cho ja'ño'qque anttembe'yi quian'me sema'jen. Nane voeyi tsu re'riccone ño'fa.

Rut 2:7 Referans Kwoze

Efeso'su 5:21

Que'i Cristoma in'jan'da tisupapora ñotsse pañamba canse'faya'cho.

Galacia'su 6:9

Quimbi'fajama ñotsse tsoña'choma. Ni ñoquimbi'fajama. Nane jai'ngae gi taiqquia'caen ñotsse isu'faya.

Romanos 12:11

Chiga Qquendya'pa que'ima in'jaensi noen'gembe'yi quinsetsse Na'su Chiga sema'jen'choma sema'faja.

Mateo 5:3

—Que'i majan tisutsseyi Chiganga catseye oshambi qquen in'jan'da ñoa'me qui avujatssi'fa. Chigama na'sian'cho aindeccuve qui da'faya.

Rut 2:2

Fae a'ta Rutja Noemíma su: —Ñama antteja cca'i nasipani japa majandeccu ñama antte'nijan tise'pa tai'jesi sheque'je'choma tai jacamba jiye. Tsonsi Noemíjan su: —Jujú, ja'se china.

Rut 2:6

Tise mandasi taiña'suja su: —Tsata tsu Moabita'su pushesu, voeyi Noemí'ccu Moab andene ji'cho.

Rut 2:8

Tsa'caen pañamba Boozja Rutma su: —Shi'mppi, ñama pañajan. Faesu nasipani jajama sheque'je'choma taiye. Tsa'ma vani sombombe'yi ñambe sema'su pushesundeccui'ccu can'jenjan.

Rut 2:21

Tsa'caen susi Rutja su: —Toya'caen tsu tiseja ñama su: ‘Ñambe semasundeccui'ccu fae'ngae can'jemba semajan va tai'je'choma naniña'ngae.’