Rut 2:4 - Cofán: Chiga Tevaen'jen

⁴ Toya'caen tsequi a'ta Boozja canqquene nepipa tise'be taisundeccuma chigambian: —¡Cuintsu Na'su Chiga que'i'ccu can'jenjan! Ccane'qque chigambiamba su'fa: —¡Cuintsu Na'su Chiga quema ñotsse tsonjan!

Rut 2:4 Referans Kwoze

2 Tesalónica'su 3:16

In'jan gi cuintsu Na'su Chiga, tsa Ño'a Ñoquian'suyi, que'ima fuitesi que'ija poi a'ta osha'chone opatsse canse'faye. Toya'caen gi in'jan cuintsu Na'su Chiga poiyi'cco que'i'ccu can'jeñe.

Lucas 1:28

Gabrielja jipa Maríama ttu'sepa su: —¡María! Que qui Chiga in'jan'cho. Chigaja quei'ccu can'jen.

Jueces 6:12

Tsa'caen qquesho'jesi Na'su Chigama sefacconi'su shondo'suja tisenga attiamba su: —¡Na'su Chiga quei'ccu can'jensi queja ñoa'me quin'an sundaro qui!

2 Timoteoga 4:22

In'jan gi cuintsu Na'su Jesús que injama'choni can'jeñe; toya'caen cuintsu Chiga Quitsa'qque quema ñotsse tsoñe. Tsangaeyi.

Salmos 118:26

¡Ñoa'me ñotssi tsu Na'su Chiga moesi ji'cho! Chiga ettini can'jemba gi que'ima'qque ñotsse afa'je'fa.

Rut 4:11

Tsa'caen susi coenzandeccu toya'caen tseni bo'fa'chondeccuja su'fa: —Ju, tsa'can'fa gi. In'jan'fa gi cuintsu Na'su Chiga va pushesu que tsaoni jiya'choma ñoa'me Raquel toya'caen Leama'caen tsoñe. Nane tsendeccu'ye tsu poiyi'cco israendeccuja isuyepa sombo'fa. Toya'caen gi in'jan'fa cuintsu queja Efrata'su joccapitssia a'ive dapa Belén'su ti'tsse'tssia've daye.

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

1 Timoteoga 6:2

Toya'caen majan semasundeccu tise'pa nasundeccu'qque Cristove in'jan'ninda tise'pama in'jamba ti'tsse paña'faya'cho. “¿Micomba tsu ña faenga'su Cristove in'jan'chota ñama manda?” qquen asi'ttaembe'yi can'faya'cho. Tsa'ma faenga'su Cristove in'jan'choma fuiteye qquen in'jamba tise'pa nasundeccuma ti'tsse pañamba bove ñotsse sema'faya'cho. Qquen atesiamba candusianjan.

Rut 2:3

Tsa'caen susi nasipani japa Rutja taisundeccumbe sepaccoe shequepama tai'chó jacan. Ñotsse somboqquia'caen tsu ñoa'me Elimelec antian Booz nasipani tsa'caen sema'jen.

Rut 2:5

Chigambian nanimba Boozja tise mandasi taiña'suma iñajampaña: —¿Majan'su tsu jova chu'a pushesuja can'jen?

Génesis 28:3

Chiga Osha'choma Oshacho'cho quenga ñotsse tsonsi qui tsain'bio omba'su dushundeccuve atapoeña. Nane que'ye tsu tsain'bio aindeccu atapapa fae naccuve da'faya.

Jueces 6:16

Tsa'caen susi Na'suja su: —Ña quei'ccu can'jensi qui pa'cco ña manda'choma oshaya. Nane madiandeccuma qui patsuya fae a'ima tssai amppian moenqquia'caen.

1 Samuel 17:37

Na'su Chigaja ttesi toya'caen oncomari'ye ñama ccushaen fi'ttipa ansa'ne. Tsa'caeñi tsu ñama ccushaeña va filisteo'ye. Tsonsi Saúlja su: —Ñotssi tsu. Na'su Chiga quei'ccu jasi japa fi'ttija.