Proverbios 22:6 - Cofán: Chiga Tevaen'jen

⁶ Ma'caen ñotsse canseye du'shuma ñotsse nafattian'faja. Tsa'caen nafattiansi tsu ccashe'yeve da'a'qque ñotsse canseya.

Proverbios 22:6 Referans Kwoze

Efeso'su 6:4

Yayandeccu, que'i dushundeccuma panshaen iyu'ujama iyicca'ye'fasa'ne. Tsa'ma tansintsse atesiamba coeñaña'cho. Na'su Chiga nafattianqquia'caen tise'pama nafattiamba atesiaña'cho.

Deuteronomio 6:7

Anttembe'yi que'i dushundeccunga'qque tsama condase'faja. Tisu tsaoni dyai'a'qque tsambi'ta tsaiqui'ye jayi'a'qque tsane condase'faja. Nane anañe ccui'a'qque, toya'caen sinte qquendyapa jangi'a'qque tsane condase'faja.

2 Timoteoga 3:15

Toya chuite qui Chiga Tevaen'jema paña'je'an. Nane tsa Chiga Tevaen'jen tsu quema in'jaeñe osha cuintsu que atesupa Jesucristove in'jamba ccushaye.

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

1 Samuel 1:28

Tsa'caen afesi gi ccane'qque tisema Na'su Chiganga afe cuintsu paya'ngae tisema shondoye. Elíja tsama pañamba puntssamba Chigama iñajan.

Jueces 13:12

Tsonsi Manoa tisema iñajampaña: —¿Minga'ni que inginga su'cho nepi'ninda, ma'caen tsomba gi tsa du'shuma coeña'faya'cho? ¿Mingae gi tsai'ccu tson'faya?