Números 31:15 - Cofán: Chiga Tevaen'jen

¹⁵ Tsa'ma Moisésja israendeccuma iyicca'yepa su: —¿Jongoesie qui pushesundeccuma canseye antte'fa?

Números 31:15 Referans Kwoze

1 Samuel 15:3

Tsa'cansi japa amalecitandeccui'ccu iyiccopa nanitsse tise'pama fi'tti'faja. Nane pa'cco tise'pambema tsu tsangae catiya'cho. Tsandiendeccu, pushesundeccu, dushundeccu, aipanondeccuma'qque fitti'ttipa toya'caen tise'pa vaura, oveja, cameyo, boroma'qque tsu pa'tssima metsse fitti'tti sefaeña'cho.’

Deuteronomio 2:34

Toya'caen gi pa'cco tise canqquema asi'tta da'ñomba poi tsandie, pushesu, dushundeccuma'qque fitti'tti sefaen'fa. Nane ni fae'ccoveyi'qque antte'fambi gi cuintsu canseye.

Josué 8:25

Tsequi a'ta tsu doce mil a'i pa'fa. Nane poiyi'cco Hai canqque'su tsandie, pushesu'qque pa'fa.

Josué 6:21

Pa'cco tsa canqqueja Na'su Chigambe qquen in'jamba pa'cco tsani cansian jincho'choma matichi'ccu fittitti'fa. Nane tsandie, pushesu, chu'a, coenzandeccu, aiña'cho vaura, aiña'cho oveja toya'caen boroma'qque pa'ccoma fitti'tti sefaen'fa.