Números 25:2 - Cofán: Chiga Tevaen'jen

² Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.

Números 25:2 Referans Kwoze

1 Corinto'su 10:20

Tsa'ma Chigave in'jambi'chondeqquia tsa'caen ñoña'cho chiganga afe'ta ñoa'me cocoyanga tsu afe'fa. Chiganga afe'fambi. Tsa'cansi in'jambi gi que'ija ñoña'cho chiganga afe'cho aña'choma amba cocoyai'ccu fae'ngae jincho'faye.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Salmos 106:28

Cansembi'choa chigandeccunga afe'cho aña'choma amba Baal-peorve in'jamba tsambe aindeccuve da'fa.

Canjaen'cho 2:14

Tsa'ma re'riccone gi quema iyu'uya. Tse'tti Pérgamoni tsu can'jen'fa majan a'i Balaam atesian'chove in'jan'chondeccu. Tayopi'su Balaam faesu ande'su na'su Balacma atesian ma'caen israendeccuma qqueñamba patsuye. Tsa'caen atesiansi qqueñasi afopa'cho Chiganga afe'cho aña'choma amba egae tsincon'fa. Toya'caen cca'i'su pushesundeccui'ccu injanga can'jemba tsa'caen egae tsincon'fa. Majan Pérgamosundeccu'qque tsa'caen canse'fa.

1 Reyes 19:18

Tsa'ma ñotsse in'janjan: Toya tsu siete mil israendeccu can'jen'fa toya Baalnga puntssamba mochambindeqquia.”

Josué 23:7

Quei'ccu toya can'jen'cho va ande'su israembindeqquiai'ccu fae'ngae tson'fajama. Tise'pa chigandeccuma pañamba iñajan'fajama. Nane tsesu chigandeccu iniseja afa'ma'sia tsu. Tsai'ccu que'i su'choja tansintsse su'cho qquen afa'fajama.

Éxodo 23:24

Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Éxodo 32:6

Ccaqui a'ta sinte'yi jangipa afe'choma oque oraemba, ñoquiañe afeqque'suve'qque, tsa ñoña'cho vauranga afe'fa. Tsa'caen tsomba tse'i aindeccuja dyaipa amba cui'je'fa. Omboe jangipa egae tsincoñe ashaen'fa.