Números 23:28 - Cofán: Chiga Tevaen'jen

²⁸ Tsa'caen supa Balacja Balaamma angapa ansundian Peor ccotta'cco tansin'choni. Tse'ttieja jo'su a'i menia'meñi atteye osha.

Números 23:28 Referans Kwoze

Números 21:20

Tse'ttie japa moabitandeccu ande'su sinjunccuni nepi'fa Pisga ccotta'cco jin'ttinga. Nane tsa Pisga ccotta'cco'ye tsu pa'cco a'i menia'ma attian'jen'cho.

Salmos 106:28

Cansembi'choa chigandeccunga afe'cho aña'choma amba Baal-peorve in'jamba tsambe aindeccuve da'fa.

Números 23:27

Tsonsi Balacja su: —Jija cca'ttinga gi quema angaya. ¿Tseni ja'ninda ti Chigaja antteya'bi que israendeccune egae afaya'chove?

Números 23:29

Tseni nepipa Balaamjan Balacma su: —Va'ttinga siete oque oraen'jen'chove ñoña'faja ñambe. Toya'caen siete vaura du'shu quitsaye siete oveja quitsayema'qque fi'ttipa ñoña'faja.

Números 24:1

Tsa'ma Balaamjan Na'su Chiga Israelma ñotsse tsoñe in'jan'choma in'jamba tise tayoe a'tutsse japa afa'jeqquia'caen tsombe tansintsse a'i menia'ma can.