Números 23:19 - Cofán: Chiga Tevaen'jen

¹⁹ Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

Números 23:19 Referans Kwoze

Santiago 1:17

Osha'cho ñotssia, osha'cho shaca mechoe inginga afe'chota tsu sefaccone, Chiga Quitsa afe'cho. Nane Chiga Quitsaja coejechiga, cose'suchiga, o'fema'qque sefacconi chanjuñe agattoensi agattoen'choja cambianqque'su. Tsa'ma Chigaja minga'ni'qque cambiambi.

Malaquías 3:6

“Ña gi Na'su, cambian'masia. Tsa'camba gi que'ima nepiambi, que'i Jacob dushundeccuma.

Hebreo'su 6:18

Chiga su'choja ñoa'me tansintsse su'cho tsu. Toya'caen Chigaja “Ju, tsa'caen tsu” qquen supa ¿ma'caen tsu ccaningae tsoña? Nane Chigaja afopoeñe oshambi. Tise tsa'caen afa fuitesi gi ti'tsse Tise've in'jamba canse'fa. Ñoa'me Cristonga catsepa gi tise ccushaeñe qquen su'choma in'jamba tsave ronda'je'fa.

Titonga 1:2

Tsa'caen in'jamba atesupa tsu tisupa tsangae canse'faya'chone'qque in'jamba ronda'je'faya. Nane toya andeve agattoembi'te tsu Chigaja ingine tsangae canseya'chove in'jan. Tiseja afopoen'masiapa

Romanos 11:29

Nane Chigaja a'inga afepa ccase itsaya'bi. Tiseja a'ima ttu'sepa catiya'bi.

Lucas 21:33

Chiga sefacconi tsu pasaya. Va ande'qque pasaya. Tsa'ma ña aya'faja tsangae tsu jinchoya.

Salmos 89:35

Nane tsangae ñotssiapa gi fae seyi ñoa'me su'chove tsangae afapa David aindeccunga afopoeña'bi.

Oseas 11:9

Nane ñajan a'imbipa ñoa'me Chiga gi. Ñajan Efraínma ñoa'me iyicca'ye'ma fi'tti sefaeña'bi ni a'i egae tsonqquia'caen tise'pama tsoña'bi. Ña gi que'imbe enttingeni can'jen'cho ñotsse jincho'cho. Que'ima fi'tti sefaeñe jinchombi gi.”

Romanos 9:6

Shacambi tsu Chigaja Tise israendeccunga su'choma tsoñe. Ingi tayopi'su ccashe'ye Israelja tsain'bio dushundeccuve an'bian. Tsa'ma poiyi'cco Israel dushundeccuja ñoa'me Chiga in'jan'cho israendeccumbi tsu.

2 Timoteoga 2:13

Nane ingi injiengembi'ni'qque Tiseja tsangae in'jamba canse. Tiseja Tisuma a'tieñe oshambi.

Hebreo'su 7:21

Tayopi Chigaja Levisundeccuma Chigama afa'suve ccutsian. Cambia'masia su'choi'ccu tise'pama ttu'sembi. Tsa'ma cambian'masia su'choi'ccu Jesúsma ttu'se. Jesúsne tsu Chigaja qquen su: Na'suja ñoa'me supa ccaningae tsoña'bi. Que qui a'ine Ñama afa'suve dapa tsangae canseya. Aarón'cambipa qui Melquisedec'caen tsangae canseya.

Santiago 4:5

Aqquia injanga afambe tsu Chiga tevaen'jenjan su: “Ingini can'jen'cho Chiga Qquendya'paja ñoa'me se'pipa tisuyi ingima in'jan.”

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Números 14:35

Ña Na'su Chiga gi vama ñoa'metsse su: Tsa'caen gi va ega aindeccu fae'ngae bopa ñama chi'gasundeccunga tsoña. Va a'i menia tsu tise'pa sefaya'cho. Va'ttinga tsu pa'faya.

Números 23:18

Tsa'caen susi Balaamjan qquen su: “Zipor dutssi'ye Balac, ñotsse in'jamba ña su'choma pañajan.

Salmos 89:34

Ña tise'pai'ccu injancco'fa'choma catiya'bi ni ña tise'panga su'choma ccaningae tsoña'bi.

Salmos 110:4

Na'suja qquen tansintsse supa ccaningae afaya'bi: “Que qui tsangae a'ine ñama afa'suve daya. Nane Aarón'cambipa qui Melquisedec'caen daya.”

Isaías 40:8

Shoshovi sambasi te'ta'qque pandipa sheque'faya. Tsa'ma ingi Chigambe Aya'faja tsangae tsu jinchoya.”

Isaías 55:11

Tsa'canqquia'caen ña Aya'fama injanga afambi gi. Tsa'cansi tsu ña in'janqquia'caen tsomba ña mandaqquia'caen tsoña.

Daniel 4:28

Pa'cco va condase'cho suqquia'caen tsu na'su Nabucodonosorja da.

Génesis 26:3

Ja'ñojan va andeni can'jenjan. Ñajan quei'ccu can'jemba gi quenga ñotsse tsoña. Nane pa'cco va andema gi quenga toya'caen que dushundeccunga'qque afeya. Tsa'caen gi tsoña que yaya Abrahamnga su'choma naniñe.

1 Samuel 3:12

Nane tayo gi Elínga conda tise'pa injama'choma somboeña'chove. Tise dutssiyendeccu ñama afasepa egae tsinconsi tsendeccuma tansiambipa tsu tise'qque shacapa. Tsa'cansi gi tsequi a'ta pa'cco ña vanaeña'chove tise'panga suqquia'caen tsoña. Nane anttembe'yi tisema vanaesi ni Chiganga afe'cho ni jongoesuma fi'ttipa oque oraen'jen'cho'qque tise'pa egae tsincon'choma joqquitssiaña'bi. Tsangae tsu tsa'caen jinchoya.

1 Reyes 14:11

Majan que'su aindeccu canqqueni can'jemba pa'ninda tsu ain an'faya. Toya'caen majan nasipa jin'tti can'jemba pa'ninda tsu ccompana an'faya. ¡Qquen gi ña, Na'su Chigaja su!’