Números 22:5 - Cofán: Chiga Tevaen'jen

⁵ Tsa'camba tsu manda cuintsu Beor dutssi'ye Balaamma ttusenga'faye. Nane Balaamjan Amav andeni, Petor canqqueni can'jen Eufrates na'en pporotsse. Balacja condasundeccunga qquen Balaamnga su'faya'chove afapa moe: “Egiptone tsu tsain'bitssia aindeccu jipa pa'cco andenga on'bapa ja'ñojan ñai'ccu pporotsse can'jen'fa.

Números 22:5 Referans Kwoze

Judas 1:11

Tsendeccuja va'chandeccu tsu. Caín tsonqquia'caen tsu tsincon'fa. Nane corifin'dima ganañe in'jamba tsu Balaam'caen tansintsse su'choma qque'fa. Toya'caen Coré, Chiga tisenga manda'choma chi'gapa paqquia'caen tsu tsendeccuja pa'faya.

Canjaen'cho 2:14

Tsa'ma re'riccone gi quema iyu'uya. Tse'tti Pérgamoni tsu can'jen'fa majan a'i Balaam atesian'chove in'jan'chondeccu. Tayopi'su Balaam faesu ande'su na'su Balacma atesian ma'caen israendeccuma qqueñamba patsuye. Tsa'caen atesiansi qqueñasi afopa'cho Chiganga afe'cho aña'choma amba egae tsincon'fa. Toya'caen cca'i'su pushesundeccui'ccu injanga can'jemba tsa'caen egae tsincon'fa. Majan Pérgamosundeccu'qque tsa'caen canse'fa.

Números 23:7

Tsa'caen attepa Balaamjan va su'choma conda: “Chiga sombo'jeni'su ccotta'cco Aramne gi ji moabita'su na'su Balac ttu'sesi. ‘Jipa israendeccuma qqueñañe afaja. Jacob aindeccuma egae in'janjan’ qquen tsu su.

Salmos 105:24

Can'jensi Chigaja tise aindeccuma atapoemba injan'tssia've tsomba Egiptondeccuma ti'tsse quin'anme tson.

Génesis 13:16

Ña anttesi tsu tsendeccuja ande'su sisipa'caen tsain'bitssia've da'faya. Nane sisipafo'choma agattoye oshambiqquia'caen tsu que dutssiyendeccuja agatto'ma'sia've da'faya.

Éxodo 10:15

Nane pa'cco andema pi'cco'tsse jisi andema atteye oshambi. Tsa'cantsse jipa pa'cco jomba'choma amba tsandapandaqui dañoite dañongembe pasa'cho quini'jin'su teta'choma'qque an sefaen'fa. Ni faeje'ccoyi'qque inzia ccaqueje Egipto andeni antteyembi. Nasipa'su toya'caen quini'jin'su'qque inzia ccaqueje jinchombi.

Números 31:8

Nane cinco madián'su nasundeccuma fi'tti'fa, tsa Evi, Requem, Zur, Hur toya'caen Reba. Toya'caen tsu Balaam, tsa Beor dutssi'yema'qque fi'tti'fa.