Números 21:34 - Cofán: Chiga Tevaen'jen

³⁴ Tsonsi Na'su Chiga Moisésnga su: “Dyombe can'faja, ña gi que'ima fuiteya cuintsu que'i tsendeccuma patsuye. Nane ña fuitesi qui pa'cco tise sundarondeccu, tise andema, amorreondeccu na'su Sehón can'jen'cho Hesbón canqquema tsonqquia'caen tson'faya.”

Números 21:34 Referans Kwoze

Josué 8:7

que'ija tisu a'tupa ronda'je'ttie jangipa canqquenga ca'ni'faya'cho. Nane Na'su que Chiga tsu que'inga afeya.

Deuteronomio 31:6

Que'i injama'choma ñoñamba quinse'tsse iyicco'faja. Dyombe'yi tise'pai'ccu geraen'faja. Nane Na'su que'i Chiga tsu que'ima catimbe'yi que'i'ccu fae'ngae iyiccoya.”

Números 14:9

¡Tsa'ma Na'su Chigama pañambiqquia'caen tson'fajama ni tsa ande'su aindeccuma dyo'fajama! Nane tsendeccumanda gi panma anqquia'caen patsu'faya. Toya'caen majan tise'pama fuiteya'chove me'i'on tsu. Tsa'ma ingimajan Na'su Chiga tsu fuiteya. Tsa'cansi —¡Dyo'fajama!

Deuteronomio 2:30

Tsa'caen iñajansi tsu na'su Sehónjan se'pi ingi tise andengae pashañe. Nane Na'su que'i Chiga tsu tisema in'jaen cuintsu tsa'caen ñoa'me se'pisi que'ija tisema geraemba patsu'faye. (Nane tsa'caen tsu Na'su Chigaja tayo tson.)