Números 20:8 - Cofán: Chiga Tevaen'jen

⁸ —Accuicco'choma somboemba isupa, que quindya fuite'choi'ccu a'ima boñajan. Poiyi'cco bo'fasi patuvo'choma mandaja cuintsu tsa'ccu tsa'ye somboye. Tsa'caen mandapa qui atteya aindeccu toya'caen tise'pa vaurandeccu cui'ye sombo'cho tsa'ccuma.

Números 20:8 Referans Kwoze

Éxodo 4:17

Va accuicco'choma angaja. Tsai'ccu qui osha'cho egave daqque'suve canjaen'faya.

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.

Canjaen'cho 22:1

Tsonsi sefacconi'su shondo'suja na'ema ñanga canjaen. Tsaja cansiaña'cho tsa'ccu tsu. Canccoa'caen veyaratssia've tsu ai'je. Chiga dyaipa'cho'ye, tsa Oveja dyaipa'cho'ye sombopa

Tson'fa'cho 1:14

Poiyi'cco fae'be injama'choa'caeñi in'jamba bo'je'fa Chigama iñajañe. Toya'caen Jesús chan María, Jesús quinshingendeccu, faesu pushesundeccu'qque tise'pai'ccu fae'ngae bo'je'fa.

Juan 16:24

Ja'ño pan que'ija toya ñame in'jamba jongoesuveyi'qque ña Yayama iñajan'fambi. Iñajamba isu'faja tisu injama'choni ñoa'me avujatssiye.

Lucas 11:13

Que'ija ño'ambi'a'qque tsa'caen que'i dushundeccunga ñotssiama afeye atesusi ñoa'me tsu Sefacconi'su Na'su Chiga Quitsaja bove ñotssiama afeya. Nane majan Tisema iñajan'ninda tsu tsanga Tise Qquendya'pama afeya.

Mateo 21:21

Jesús tise'pama su: —Ñoa'me gi que'ima su: Ñame in'jamba injama'cho shacambi'ta que'i'qque ña higuera'jima tsonqquia'caen qui tson'faya. Toya'caen ti'tsse tsomba qui va ccotta'ccoma suye osha'faya: “Va'ttie joqquitssipa marnga japa andeccoja.” Qquen mandasi tsu tsa'caen tsoña.

Salmos 105:41

Patuvo'choma'qque doñasi tsa'ye tsa'ccuja sombopa na'en'caen a'i menia'su andengae ai'je.

Josué 6:20

Josué tsa'caen mandasi tsonjen'choma jeña'fasi aindeccu'qque poiyi'cco fundo'fa. Tsa'caen jeñamba quian'me fundo'fasi canqque ttuccuja osuipa amppi. Tsonsi poiyi'cco a'i tansintsse ansundepa ca'nimba canqquema patsu'fa.

Josué 6:5

Tsomba tsendeccu tsonjen'choma bia'ave jeñasi paña'da poiyi'cco a'i tsu fae'ngae fundo'faya'cho. Tsa'caen fundosi tsu canqquema ttu'choja osuiya. Osuisi tsu poiyi'cco a'i tansintsse ansundepa ca'nimba iyicco'faya'cho.”

Números 21:18

Nasundeccu tsu dyan'dya'fa tise'pa coen quini'ccoi'ccu. Nane a'ima manda'su coenzandeccu tsu tise'pa accuicco'choi'ccu va posove fetta'fa.” A'i menia'ñe israendeccuja Matani nepi'fa.

Números 21:15

Toya'caen nai'qui otafa'ye gi ja'fa tsa Ar andenga ai'je'cho nai'qui'ye. Tsangae japa gi Moab andenga nepi'fa.”

Números 20:11

Tsa'caen supa Moisésja dos se tsa patuvo'choma tise isu'cho accuicco'choi'ccu ochhai. Tsa'caen ochhaisi tsain'bitssi tsa'ccu tsa'ye sombo. Sombosi aindeccu toya'caen vaurandeccu'qque cu'iye ashaen'fa.

Éxodo 17:9

Tsonsi Moisésja Josuéma su: —Majan tsandiendeccuma avusepa amalecitandeccui'ccu iyicco'faja. Ñanda gi tu'i Chiga quini'ccoma indipa ccotta'cco'cho ombani ccutsuya.

Éxodo 14:16

Tsonsi que'ja que accuicco'choma isupa va marnga yasaja cuintsu enttinge'ye dosi israendeccu santsse ise'faye.

Éxodo 7:20

Moisés toya'caen Aarón tsu Na'su Chiga mandaqquia'caen tson'fa. Aarónjan tise accuicco'choma isupa faraón toya'caen tisema shondosundeccu caña'jen'ni na'en'su tsa'ccuma ochhaisi pa'cco tsa'ccu anjampaveyi da.

Éxodo 4:20

Tsa'caen susi paña'chopa Moisésja tise pushe, toya'caen tise dushundeccuma boronga dyaiñamba toequi Egiptoni ja. Toya'caen Chiga accuicco'choma'qque isupa anga.

Éxodo 4:2

Tsonsi Chigaja iñajampaña: —¿Jongoesuma qui que tiveni an'bian? Moisésja su: —Accuicco'choma.

Génesis 18:14

¿Oshambi ti Na'su Chigaja osha'choma oshapa tsa'caen tsoñe? Nane ñoa'me fae canqque'fa pasasi ña ccase jisi tsu Saraja tsandie du'shuve isuya.

Números 20:7

Na'suja Moisésnga su: