Números 14:8 - Cofán: Chiga Tevaen'jen

⁸ Na'su Chiga ñoa'me ingima in'jan'da tsu fuitepa tsa andenga ingima ca'niamba tsangae afeya. Nane tsa ande tsu chocho toya'caen tuño cuñajun'cho'qque shacaya'bi.

Números 14:8 Referans Kwoze

Números 13:27

Canjaemba Moisésnga su'fa: —Ja'fa gi que ingima manda'cho andeni. Ñoa'me tsu tsenijan chocho toya'caen tuño cuñajun'cho'qque shacaya'bi. Toya'caen va tsu tseni naqque'su teta'cho.

Romanos 8:31

Tsa'caen tso'ninda ¿jongoe qquen gi su'faya? Chiga ingima in'jan'ninda ¿majan tsu ingima patsuyeja osha?

Salmos 22:8

“Tise Na'su Chigave in'jan'ninda cuintsu Na'su tisema ccushaemba vuiquianjan. Ñoa'me tisema in'jan'da cuintsu tisema ccushaenjan.”

1 Reyes 10:9

¡Ñoa'me ñotssia tsu Na'su que Chigaja! ¡Quema tsu ñotsse in'jamba ccutsian Israel na'suve tsoñe! Nane Na'su Chiga tsu Israel aindeccuma tsangae ñotsse in'jamba quema tise'pa na'suve ccutsian. Tsa'caen tsu quema tson que injama'choi'ccu tansintsse in'jamba tise'pama ñotsse mandaye.”

Jeremías 32:41

Nane avujaya gi tise'panga ñotsse tsoñe. Pa'cco ña in'jan'choi'ccu gi tise'pa va andeni canseya'chove antteya.”

Éxodo 3:8

Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Números 16:14

Toya qui ingima angambi chocho, tuño cuñajun'cho'qque shacambitssia andeni. Ni ingi nasipaemba tsajaccuve joña'cho andeve'qque qui afembi. ¿Ingija binindeqquia'caen injanga quei'ccu ja'faya qquen ti qui in'jan? Nane quema can'gi'faya'bi gi.