Números 14:45 - Cofán: Chiga Tevaen'jen

⁴⁵ Tsa'caen ja'fasi amalecitandeccu, cananeondeccu'qque tsa andeni can'jensundeccupa israendeccui'ccu iyiccoye sombo'fa. Tsa'caen sombopa Hormani ne'pitsse israendeccuma fitti'ñacca anga moe'fa.

Números 14:45 Referans Kwoze

Números 21:3

Tsa'caen iñajan'fasi Na'su Chigaja tise'pa iñajanqquia'caen tsomba fuite cuintsu tsesu cananeondeccuma patsu'faye. Tsa'caen fuitesi israendeccuja tsesu cananeondeccuma metsse sefaen'fa. Tsa'caeñi tise'pa canqquema'qque tson'fa. Tsa'caen sefaemba tsu tse'ttima Horma qquen inisian'fa.

Números 14:43

Nane tayo tsu ronda'je'fa amalecitandeccu, cananeondeccu'qque que'i'ccu iyiccopa que'ima fitti'ttiye. Ñoa'me gi su tayo qui Na'su Chigama catisi tise'qque que'ima catipa ja'ñojan que'i'ccu jacambi.

Josué 7:5

treinta y seis israendeccuve fi'tti'fa. Nane canqquema sombo'je'tti'ye ashaemba israendeccuma mandiamba patuma chattupa somboen'jen'cho andeni anga'fa. Israendeccu tseni andesi Hai canqquesundeccu fitti'ttisi tise'pa injama'cho shacapa ñoa'me chape'fa.

Éxodo 17:16

Toya'caen tsu su: “¡Na'su Chiga banderama indipa angacán'faya'cho! ¡Na'su Chiga tsu Amalecitandeccui'ccu tsangae geraen'jeña!”

Números 13:29

Néguevnijan amalecitandeccu tsu can'jen'fa. Ccotta'cco'su andenijan hititandeccu, jebuseondeccu toya'caen amorreondeccu can'jen'fa. Toya'caen mar otafa'ye Jordán naeni tsu cananeondeccumbe ande.

1 Samuel 4:2

Tsonsi iyiccoya'chove ñoñamba filisteondeccuja israendeccui'ccu iyiccoye ashaen'fa. Tsa'caen iyiccopa israendeccuma patsu'fa. Nane cuatro mil israe'su sundarondeccu tsu tseni tise'pa iyicco'je'cho sinjunccuni pa'fa. Toya'caen filisteondeccu tsu Chiga a'i'ccu injancco'fa'cho cafonma itsapa anga'fa. Tsa'ma tisu andeni angapa an'biamba osha'cho paqque'sui'ccu vana'jen'fa. Tsa'camba vaura qquitssa'je'cho caronga otsiamba toequi moe'fa Israel andeni.