Números 12:6 - Cofán: Chiga Tevaen'jen

⁶ qquen su: “Va ña que'inga su'choma paña'faja: Minga'ni Chiga Aya'fama afa'su que'i'ccu can'jeni ñajan attian'choi'ccu toya'caen ayo'oni tisema afa'je.

Números 12:6 Referans Kwoze

1 Reyes 3:5

Fae cose Salomón Gabaóni can'jemba ayo'osi Na'su Chiga tisenga attiamba su: “Jongoesuve in'jan'da ñama iñajanjan. Ña gi afeya.”

Génesis 46:2

Tsa'caen afepa ana'jensi Chigaja tisenga attiamba condase. Nane Jacob inisema afasi Jacobja su: —Va'tti gi.

Lucas 1:22

Tsa'caen asi'ttaen'jen'fani Zacaríasja sombopa afaye oshambipa tise tivei'ccu canjan'jaen. Tsa'caen afaye oshambisi poiyi'cco a'i in'jan'fa tise Chiga ettini can'jemba sefacconi'su attian'choma atte'chove.

Lucas 1:11

Tsa'caen Zacarías tisuyi ca'nisi Chigama sefacconi'su shondo'suja tisenga attian ñome'bama oque'je'chombe tansinfani ccutsupa.

Tson'fa'cho 10:11

sefacco fettaye'choma. Tsa'caen fettayesi randeje'a sarupama cuatro suivo'fai'ccu tandandusiamba andian'fa'choma atte.

Mateo 1:20

Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.

Mateo 2:19

Omboe Herodes pasi Na'su Chigama sefacconi'su shondo'suja ccase Josénga attian. José Egiptoni can'jemba anamba ayo'osi attiamba

Salmos 105:15

“Ña in'jan'chondeccuma pporaenjama. Ña aya'fama afasundeccuma noñangianjama.”

Salmos 89:19

Tayopi queja queve in'jan'cho shondosundeccunga attiamba conda: “Ñambeve gi ña aindeccu'su dyombi'tssia tsandie chu'ama ttu'se. Ttu'sepa gi tisema fuitepa joccapitssia've tson.

Génesis 20:7

Tsa'ma ja'ño tsa pushesuma tise tsa'ndunga afeja. Nane tise tsa'nduja ñane afa'su tsu. Tise que'ine ñama iñajan'ninda qui ccusha'faya. Tsa'ma tise pushema afembi'ta qui ñoa'me que, que aindeccu'qque pa'faya.”

Génesis 15:1

Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Canjaen'cho 11:10

Tsendeccu pa'fasi ñoa'me tsu poi ande'su aindeccu avujatssi'faya. Nane tsa dos Chiga Aya'fama afasundeccuja tise'pa candusian'choi'ccu va ande'su aindeccuma ñoa'me noñangian'fa. Noñangiamba tsa'caen pa'fasi aindeccuja avuja'faya. Avujapa tisupapora poini ccane'qque afe'choma afecco'faya.

Canjaen'cho 11:3

Tsa'ma ñambe dos afasundeccuma gi moeña. Tsendeccuja mil dosciento sesenta a'ta tsu ñane afa'faya. Nane pajaen'cho qquen injan'jeñe si'ame ondiccupa tsu afa'faya.

Efeso'su 4:11

Tise a'inga in'jaen'cho tsu qquen: Majan a'ima tsu in'jaen Jesúsne afasundeccuve da'faye. Cca'indeccuma in'jaen Chiga Aya'fama afasundeccuve da'faye. Toya'caen majanjan ñotsse condase'choma candusiansundeccuve tsu da'fa. Majan a'i Cristove in'jan'chondeccuma coira'suve tsu da'fa. Majan a'i atesiansundeccuve tsu da'fa.

Tson'fa'cho 10:17

¿Jongoesune tsu attian? qquen Pedro toya asi'ttaen'jen'ni Cornelio aindeccuja jipa tsotefasu sombo'ttini ccutsu'fa. Nane tsendeccuja Simón tsa'ove iñajampañamba ji'fa.

Lucas 20:6

Tsa'ma “A'i mandasi feti'cho” qquen su'ninda tsu ñoa'me poiyi'cco a'i iyicca'yepa ingima patui'ccu tovaccoen'faya. Poiyi'cco a'i tsu Juanjan Chiga Aya'fama afa'su qquen in'jan'fa.

Mateo 23:37

¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.

Mateo 23:34

Tsa'can'fayasi gi Chiga Aya'fama afasundeccuma, injama'pa aindeccuma, atesiansundeccuma'qque que'inga moeña. Majanjan tsendeccu'suma qui fi'tti'faya. Majandeccumanda qui avuja'cconga otipa fi'tti'faya. Majandeccumanda qui Chigane atesian'jen'ttinga angapa ma'ppi'faya. Majandeccumanda qui fae canqquene faesu canqquenga mandian'faya.

Mateo 23:31

¿Ñoa'me ti qui su? Nane que'i su'cho tsu que'i shacama canjaen.

Mateo 27:19

Tsa'ma Pilato tsa'caen tise dyaipa'chonga dyaipa aindeccuma afa'je'ni tise pusheja qquen su'choma tisenga moen: “Va Jesús egae tsincombi'choa tsu. Tisene gi ja'ño cose dyo'oe ayo'o. Tisema egae tsonjama.”

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Génesis 28:12

Anamba qquen ayo'o: Canchanama tsu atte andene sefacconi ppo'rotsse ccutsu'choma. Tsa'ye tsu Chigama sefacconi'su shondosundeccuja ansundepa ande'je'fa.

Números 24:4

Ñoa'me Chiga su'choma pañamba afa'cho tsu. Nane tiseja andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.

1 Samuel 3:15

Na'su Chiga tsa'caen condasesi Samuelja ccuí a'ta. A'tasi jangipa Na'su Chiga a'i'ccu cachuicco'je'tti'su sombo'tti piccofin'dima fetta. Tiseja dyojopa Chiga susi paña'choma Elínga condambi.

1 Reyes 3:15

Tsonsi Salomón qquendyapa bittapa in'jan tisu ayo'o'choma. Tsa'caen in'jamba toequi Jerusaléni japa Chiga a'i'ccu injancco'fa'cho cafonga catsepa fi'ttipa afe'choma oque o'raemba Chiganga afe Chigai'ccu ñoquiye.

Daniel 2:19

Tsequi cose tsa in'jamba tson'jen'choja attian'choi'ccu Danielnga canjaen. Tsa'caen pa'ccoma canjaensi Danielja Na'su Chigama ñotsse afapa

Génesis 28:16

Tsa'caen ayo'opa bittapa Jacobja qquen asi'ttaen: “Ñoa'me tsu Na'suja va'tti can'jen'ma gi ñajan atesumbi.”

Génesis 37:5

Fae cose Joséja ayo'opa tise quindyandeccunga condase. Tsa'ma tsendeccuja ti'tsse tisema chi'ga'fa

Génesis 37:9

Can'jemba Joséja ccase ayo'opa tsama'qque tise antiandeccunga qquen condase: —¿Atesu'fa ti qui ccase gi ayo'o? Nane coejechiga, cose'suchiga, toya'caen once o'fe'qque ñanga puntssan'fa.

Deuteronomio 18:18

Nane quema'caen gi faesu ña aya'fama afa'suve israendeccu'suma ccutsiaña. Ña tisenga jongoesuma condasesi tsu tsa ña mandapa su'choma aindeccunga condaya.

1 Samuel 3:21

Toya'caen Na'su Chigaja Siloni jipa attian'ñaccapa tise in'jan'choma Samuelnga conda'je.