Nehemías 1:7 - Cofán: Chiga Tevaen'jen

⁷ Quenejan ñoa'me barembi'choa've gi tson'fa. Nane que mandasi quema shondo'su Moisés tsa manda'cho toya'caen se'pi'choma afasi ingija pañambipa que suqquia'caen tson'fambi.

Nehemías 1:7 Referans Kwoze

Salmos 106:6

Ingi tayopi'su coenzandeqquia'caen gi egae tsincon'fa. In'jangae tsincomba gi egae tson'fa.

Canjaen'cho 19:2

Tise ñotsse in'jamba tansintsse su'nijan Tisema ñotsse afa'faya'cho. Ti'tsse'tssia egae tsincon'su pushesuja poi ande'su a'i'ccu egae tsincomba tise'pama'qque daño. Tsa'cansi tsu Chiga Quitsaja tsambe injama'choma somboemba fi'tti. Tise Chigambe semasundeccuma fi'ttiqquia'caen ccane'qque Chiga Quitsaja tisema vanaemba fi'tti.

Malaquías 4:4

“Ñotsse injan'jen'faja ñama shondo'su Moisésnga Horeb ccotta'cconi afe'cho manda'choma. ¡Nane poi israendeccu tsu tsa manda'cho su'choma pañamba tson'faya'cho!

Deuteronomio 6:1

Qquen tsu Na'su que'i Chigaja tise manda'choma afapa manda ña que'inga atesiañe cuintsu que'i an'biaña'cho andeni can'jemba tsama pañamba tsa'caen tson'faye.

Isaías 1:4

¡Va'cha qui, egae tsinconsundeccu! Tsain'bio shacave qui andu'choma'caen andu'fa. Que'i yayandeccu egae tsincon'fasi que'i'qque in'jangae tson'jen'fa. Na'su'ye qui joqquitssi'fa. Nane Israel joccapitssia Chiga'ye attufapa qui tisema cati'fa.

Salmos 89:31

toya'caen ña mandapa su'choma shacapa ñoa'me pañambipa tson'fambi'ninda gi

Salmos 89:32

tise'pa injama'choma somboemba quini'ccoi'ccu ma'ppiqquia'caen tise'pa egae tsincon'chone tise'pama vanaeña.