Nehemías 1:3 - Cofán: Chiga Tevaen'jen

³ Iñajampañasi tsu qquen condase'fa: “Tsa patsuyepa ccuyapa can'jen'chondeccuja ñoa'me aiye'pave dapa vana'jen'fa. Nane Jerusalénma patu ttuccuja pa'cco tsu asittaye'cho. Toya'caen tsa'su sombo'ttima picco'je'choma'qque tsu pa'ccoma si'ngei'ccu oque cati'cho.”

Nehemías 1:3 Referans Kwoze

Nehemías 2:17

Tsa'camba gi ja'ño tise'panga su: —Que'i in'janqquia'caen ingija ñotsse can'jen'fambi. Nane Jerusalén canqque'su patu ttuccu amppi shequepa sombo'tti'qque tayo oque'cho. ¡Chigáne ñama fuite'faja! ¡Jinge fae'ngae semamba Jerusalén canqque'su ttuccuma ccase ccutsiañe cuintsu cca'indeccu ingima afase'choma antte'faye!

2 Reyes 25:10

Pa'ccoma oque catisi tisei'ccu jacan'su caldeo'su sundarondeccuja Jerusalén'su patu ttuccuma'qque asitta'fa.

Nehemías 2:13

Tsequi cose Sinjunccu'su sombo'tti'ye sombopa Vatova tsa'ccu sombo'jengae pashamba Cati'je'cho sombo'ttinga nepi. Nepipa gi Jerusalén canqque'su patu ttuccuma atte'fa tayo amppi sheque'choma, toya'caen canqque'su sombo'ttima tayo oque'fa'choma.

Nehemías 2:3

na'suma chigambiamba qquen su: —Ti'tsse canseja Ti'tsse'tssia. ¿Ma'caen gi ñombi'ye'je'chove attiambi'ya tsa ingi yayandeccu'ye ccui'fa'cho canqquema metsse tsomba toya'caen tise sombo'ttima metsse oque cati'fa'ninda? Ña tsa'caen susi tsu na'suja su:

Esdras 2:1

Majan Judá andeni isu'cho israendeccu Nabucodonosor angasi Babiloniani jipa can'jen'chondeccu ja'ño toequi Jerusaléni toya'caen faesu Judá'su canqqueni ja'fa.

Proverbios 25:28

Majan a'i tisu injan'choma an'biañe oshambi'ta tsu canqque ttu'cho me'choa tisuma ccushaeñe oshambiqquia'caen jincho.