Miqueas 7:6 - Cofán: Chiga Tevaen'jen

⁶ Nane dutssiyendeccu tise'pa yayandeccuma paña'faya'bi. Onquengendeccu tise'pa mamandeccuma chi'ga'faya. Chinandeccu tise'pa chan ccashendeccuma'qque chi'ga'fa. Nane a'ima ti'tsse iyicco'su tsu tise'pa tsaofa'su antiandeccu.

Miqueas 7:6 Referans Kwoze

Lucas 12:53

Yaya tsu tise dutssi'yema iyicca'yeya. Dutssi'ye'qque tise yayama iyicca'yeya. Chanjan tise onque'ngema iyicca'yesi onquenge'qque tise mamama ccane'qque iyicca'yeya. Chan ccashe tise chinama iyicca'yesi china'qque ccane'qque chan ccashema iyicca'yeya.

Mateo 10:21

Nane quindya tsu tise quinshima chi'gapa afeya cuintsu fi'ttiye. Quitsa tise du'shuma chi'gapa afeya. Dushundeccu tise'pa quitsandeccuma chi'gapa fi'ttiye afe'faya.

Salmos 41:9

Ñoa'me ña in'jan'cho, ñai'ccu fae'ngae an'su, tsu ñama chi'gapa afeya.

Juan 13:18

Que'i poiyi'ccone'da afa'jembi gi. Nane ña in'jamba ttu'se'chondeccu injama'choma gi atesu. Tsa'ma Chiga Tevaen'jen suqquia'caen tsu junde tsoña: “Ñai'ccu fae'ngae an'su tsu ñama chi'gapa afeya.”

Lucas 21:16

Tsa'ma que'i antiandeccu, nane que'i yaya, mama, quindya, que'i amigondeccu'qque que'ima a'tiemba noñangiansundeccunga afe'faya. Majan que'i'suma'qque fi'tti'faya.

Mateo 26:23

Tsonsi Jesúsja su: —Ñai'ccu fa'e apisho'ttongayi an'su tsu ñama afeye tson'jen.

Génesis 49:4

Tsa'ma ja'ñota qui tsa'cambi. Jongoesu shave'pa'caen qui injansembe injangae tsincon. Nane tsa'camba qui ña ambian'choi'ccu ña ana'jen'chonga ccuipa egae tsincon.