Mateo 9:12 - Cofán: Chiga Tevaen'jen

^12-13 Tsa'ma Jesús tise'pa iñajampaña'choma pañamba su: —Pajimbi'choa ccushaen'suma in'jambiqquia'caen ñajan jimbi gi “Ña gi ño'a” qquen in'jan'chondeccuma ccushaeñe. Japa atesu'faja Chiga qquen supa in'jan'choma: “Osha'cho fi'ttipa oque oraemba afe'choma in'jambipa gi que'i tisupapora injancco'fa'choma in'jan.” Tsa'cansi ccushaen'su paji'suma ccushaeñe jiqquia'caen ñajan egae tsinconsundeccuma ccushaeñe ji.

Mateo 9:12 Referans Kwoze

Lucas 5:31

Tsama pañamba Jesúsja su: —Pajimbi'choa ccushaen'suma in'jambiqquia'caen ñajan jimbi gi tayo ño'a qquen in'jan'chondeccuma ccushaeñe. Tsa'ma ccushaen'su paji'suma ccushaeñe jiqquia'caen gi egae tsinconsundeccuma ccushaeñe ji cuintsu tise'pa egae tsincon'choma antte'faye.

Lucas 9:11

Tsa'ma a'i bo'fa'choja Jesús mani ja'choma pañamba omboe jaja'fa. Tsonsi Jesúsja tise'pama avujatsse chigambiamba ti'tsse ma'caen Chiga aindeccuve dapa canseya'chone candusian. Pajisundeccuma'qque Jesúsja ccushaen.

Marcos 2:17

Jesús tsama pañamba su: —Pajimbi'choa ccushaen'suma in'jambiqquia'caen ñajan jimbi gi tayo ño'a qquen in'jan'chondeccuma ccushaeñe. Tsa'ma ccushaen'suja paji'suma ccushaeñe jiqquia'caen ñajan egae tsinconsundeccuma ccushaeñe gi ji.

Lucas 8:43

Tsendeccu enttinge'ye pushesu'qque jayi. Tsa pushesuja tise egápai'ccu dañongepa doce canqque'fa me'detsse canse. Ccushambe'yi pa'cco tise corifin'dima afepoen cati sejesundeccunga.

Colosa'su 4:14

Lucas, ingi in'jan'cho seje'su, Demas'qque que'ima chigambian'fa.

Mateo 18:11

Ñoa'me Sefaccone Ji'cho A'i gi qque'chondeccuma ccushaeñe ji.