Mateo 8:10 - Cofán: Chiga Tevaen'jen

¹⁰ Jesús tsama pañamba sundaro capitáne asi'ttaén ccutsu. Tsomba piyicamba tisei'ccu jacansundeccuma su: —Ñoa'me gi su, va a'ija ñoa'me tsu ñame in'jan. Ni fae israe'su tsa'caen ñama in'jambi.

Mateo 8:10 Referans Kwoze

Lucas 7:9

Jesús tsama pañamba sundaro capitáne asi'ttaén ccutsu. Tsomba piyicamba tisei'ccu jacansundeccuma su: —Tsa a'ija ñoa'me tsu ñame in'jan. Ni fae israe'suyi'qque qquenda ñame in'jan'fambi.

Mateo 15:28

Qquen susi Jesús tisema su: —Pushesu, ñoa'me qui ñame in'jan. Que in'janqquia'caen tsu tayo tson. Jesús qquen su'je'ni pushesumbe onque'ngeja ccusha.

Marcos 6:6

Tsendeccuja in'jan'cho shacasi Jesús asi'ttáen antte. Tsomba Jesús faesu chipiri canqquengae jacamba atesian'jen.

Lucas 7:50

Tsonsi Jesús pushesuma su: —Opatsse canseja. Ñame in'jamba qui ccusha.

Lucas 5:20

Jesúsja tise'pa Chigave in'jan'choma in'jamba paji'suma su: —Tsandie, tayo tsu que egae tsincon'cho joqquitssi.

Génesis 43:33

José antiandeccuja ma'caen José su'nijan tsa'caen dyai'fa. Nane atesuqquia'caen coenzama otuni dyaiñamba du'shumajan tsutopani dyaiña. Tsa'caen dyaiñasi asi'ttaemba tisupanaccu camboencco'fa.

Mateo 8:9

Ñajan sundaro a'i. Ña nasundeccu ñama manda'fa. Ña'qque ñama bove'ccoa sundarondeccuma manda. Fae'ccoma “Jaja” qquen mandasi tiseja ja'je. Faesuma “Jija” qquen mandasi tiseja ji'je. Ña sema'suma “Qquen tsonjan” qquen mandasi tsa'caen tiseja tson'jen.

Mateo 8:11

Toya'caen gi su: Tsain'bio a'i coejechiga sombo'jene, chiga amppi'jene'qque jipa Chigama na'sian'cho aindeccuve dapa Abraham, Isaac, Jacobi'ccu fae'ngae dyaipa an'faya.

Tson'fa'cho 2:7

Pañamba can'boen ccutsu'fa. Can'boen ccutsupa tisupapora afacco'fa: —¡Que canjan! ¿Poiyi'cco afasundeccuja Galileasundeccumbi ti?