Mateo 5:33 - Cofán: Chiga Tevaen'jen

³³ Toya'caen qui paña'fa tayopi'su a'inga qquen su'choma: “ ‘Chiga paña'je'ni gi tansintsse su’ qquen su'ta afopoembe'yi tsu suya'cho. Ñoa'me que suqquia'caen tsu tsoña'cho.”

Mateo 5:33 Referans Kwoze

Levítico 19:12

“ ‘Chiga paña'jen'ni tansintsse afa'cho tsu’ qquen afopoenjama. Nane tsa'caen tson'da qui Na'su que Chigama afaseya. Ña gi Na'su.

Éxodo 20:7

“Aqquia injanga Na'su, que Chiga inisema egae afajama. Nane Chigaja tise inisema egae afa'suma vanaembe pasaya'bi tsu.

Mateo 5:27

Que'ija tayo paña'fa qquen su'choma: “Quenga casarambichoi'ccu fae'ngae can'jenjama.”

Deuteronomio 6:13

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

Mateo 5:21

Que'i pañaqquia'caen tayopi Chigaja a'ima manda: “Faenga'su a'ima fi'ttijama.” Majan a'i faesu a'ima fi'tti'ninda tsama na'sunga angaya'cho cuintsu injama'choma somboeñe.

1 Timoteoga 1:10

Nane pushembe can'jemba faesu pushesui'ccu, tsambi'ta faesu tsandiei'ccu fae'ngae egae tsincon'suma tsu se'pi. A'ima indipa ccani angapa semoensundeccuma tsu se'pi. Toya'caen afopoensundeccuma'qque tsu se'pi. Nane osha'cho jongoesu ñotsse atesian'chone ccaninga'osi, tsama tsu manda'choja se'pi.