Mateo 5:19 - Cofán: Chiga Tevaen'jen

¹⁹ Majan a'i va manda'cho utu'ccoe su'choma catipa ccaningae tsomba cca'indeccuma tsa'caen atesian'da Chigama na'sian'cho aindeccuve da'je'fasi tsaja utu'ccoe daya'cho. Tsa'ma majan a'i Chiga manda'choma pañamba cca'indeccuma tsa'caen atesian'da Chigama na'sian'cho aindeccuve da'je'fasi tsaja joccapitssia've tsu daya'cho.

Mateo 5:19 Referans Kwoze

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Mateo 11:11

Ñoa'me gi que'ima su: Va andeni faesu a'i Feti'su Juanma ti'tsse'tssiaja me'i'on tsu. Tsa'ma Chigama na'sian'cho a'i, tsa ñoa'me utu'ccoa tsu Juanma ti'tsse'tssia.

Titonga 3:8

Tsa tsu ñoa'me tansintsse su'cho. Tsa'cansi gi quema manda va su'choma quia'me candusianjan. Anttembe'yi candusianjan cuintsu Chigave in'jan'chondeccuja ñotsseyi tsomba canse'faye. Nane ñotsse tson'choja ñotssi tsu. Toya'caen tsu poiyi'cco a'ima fuite'je.

Daniel 12:3

Tsequi tsu majan injama'pandeccupa, tsain'bio a'inga tansintsse atesiansundeccuja, sefaccoa'caen chanjun'faya. Nane, ¡tsangae tsu o'fea'caen chanjun'jen'faya!

Canjaen'cho 2:20

Tsa'ma tsa pushesu Jezabelma se'pimbipa qui toya shacapa. Tsa pushesu tisuja Chigane afa'su qquen supa afopoen. Tsa'ma tise atesian'choi'ccu ña aindeccuma tsu qqueña cuintsu pushesundeccui'ccu injanga can'jemba tsa'caen egae tsincon'faye; cuintsu afopa'cho chiganga afe'cho aña'choma'qque amba tsa'caen egae tsincon'faye.

Romanos 6:15

¿Jen'da? ¿Manda'cho ja'ño ingima mandambisi Chiga ingima mende'yepa in'jan'ninda egae tsincon'faya ti gi? ¡Me'i!

Deuteronomio 27:26

Majan va manda'choma chi'gapa tsa'caen tsombi'ninda tsu Chigaja iyicca'yepa tsangae qqueñaña.” Tsonsi poiyi'cco israendeccu tsama pañamba su'fa: “Ju, tsa'can tsu.”

1 Timoteoga 6:11

Tsa'ma queja, Timoteo, Chiga a'ive da'chota tsa'caen tsincon'choma chi'gaja. Tsama chi'gapa ñotsse tsomba canseja. Chiga in'janqquia'caen cansepa Cristove in'janjan. Cca'indeccuma'qque ñotsse in'jamba anttembe'yi opatsse canseja. Nane patsumbe'yi opatsse canseja.

Romanos 6:1

¿Jongoe qquen gi su'faya? ¿Ti'tsse egae tsincoñe'da ti ñotssi cuintsu Chiga ti'tsse ingima mende'yeye?

1 Pedro 5:4

Tsa'caen tsonsi tsu ti'tsse'tssia coira'su Jesúsja attiamba que'inga tsangae ñotssiama afeya. Tsa afe'choja congo'masia tsu, va andeni jinqquia'cambi.

Lucas 11:42

¡Tsa'ma vana'faya qui fariseondeccu! Que'ija osha'choma fae decimoveyi Chiganga afeye atesu'fa Tisema avujaeñe. Nane pa'cco ccoma, pa'cco shinccapama'qque qui fae decimoveyi Chiganga afeye atesu'fa. Tsa'ma ñotsse qui tson'fambi ni Chiga a'ima in'janqquia'caen in'jan'fambi qui. Que'i Chiganga afe'je'choma aqque'pambe'yi a'ima in'jamba ñotsse tson'faya'cho.

Mateo 19:28

Qquen susi Jesús su: —Ñoa'me gi su: Jai'ngae osha'cho cuname dasi Sefaccone Ji'cho A'i tise ñotssia dyaipa'chonga dyaipa manda'nijan que'i'qque doce dyaipa'chonga dyaipa doce israendeccu'su aindeccuma manda'faya.

Romanos 3:8

Nane tsa'caen tso'ninda egae tsincoña'cho tsu Chigaja ñotssia qquen canjaeña.” Isha, tsa'cambi tsu. (Tsa'ma majan a'i ingima dañoñe in'jamba: “Pabloja tsa'caen atesian'jen” qquen tsu afopoen'fa.) Ñotsse tsu Chigaja tsendeccuma ñoa'me vanaeña.

Tson'fa'cho 1:1

Ña Lucas gi tayo tevaen pa'cco Jesús tsomba atesian'choma.

Lucas 9:48

su: —Majan ña a'ive dapa va du'shuma ñoa'me in'jan'da tsu ñama'qque ñoa'me in'jan. Majan ñama ñoa'me in'jan'da tsu ñama moen'su Chigama'qque ñoa'me in'jan. Majan que'i'su utu'ccoa'ta tsaja ñoa'me ti'tsse'tssia tsu.

Lucas 1:15

Nane Tiseja Na'su Chiga joccapitssia a'iya tsu. Osha'cho ccusianqque'suma tiseja cu'iya'bi. Tsa'ma toya isumbi'te tsu Chiga Qquendya'pa tisenga ca'nimba in'jaeña.

Mateo 20:26

Tsa'can'faya'bi qui que'ija. Majan que'i ti'tsse na'suve daye in'jan'chota, faesuma fuiteya'cho.

1 Juan 3:4

Majan egae tsincon'su Chiga manda'choma pañambipa shacapa. Nane egae tsincon'cho tsu Chiga manda'cho mandambima'caen tson'cho.