Mateo 4:11 - Cofán: Chiga Tevaen'jen

¹¹ Tsonsi cocoya na'suja Jesúsma catipa ja. Jasi Chigama sefacconi'su shondosundeccu Jesúsnga jipa tisema quiñaen'fa.

Mateo 4:11 Referans Kwoze

Mateo 26:53

¿Atesu'fambi ti qui ña in'jan'da gi ña Yayama iñajansi Tise tsu cuarenta milma ti'tsse Tise'be sefacconi'su shondo'su sundarondeccuma moeña ñama fuite'faye?

Hebreo'su 1:14

Nane poiyi'cco Chigama sefacconi'su shondosundeccuja Chigama fuitesundeccu tsu. Chigaja tise'pama ttu'sepa qquendya'pama moenqquia'caen a'ima fuite'faye moen. Majan Chiga ccushaeña'chove isuya'chondeccuma fuite'faye tsu manda.

Lucas 22:43

Tsonsi Chigama sefacconi'su shondo'su Jesúsnga attiamba tisema quiñaen.

Lucas 4:13

Tsa'caen Satana Jesúsma qqueña qquen tson'ma oshambipa japa ronda'je ja'i ccase qqueñacañe.

Hebreo'su 1:6

Tsa'ma Chiga Quitsaja Tise Dutssi'yeveyi va andeni moemba attepa su: In'jan gi cuintsu poiyi'cco ñama sefacconi'su shondosundeccu tisema ñotsse afa'faye.

Juan 14:30

Ja'ñojan injan'tsse quei'ccu condaseya'bi gi, tsa ñame in'jambindeqquia na'su, Satana, jiñasi. Tise ñama patsuye oshambi'ni'qque

Lucas 22:53

Ñajan Chiga ettini poi a'ta que'i'ccu can'jen'ma qui ñama pporaen'fambi. Tsa'ma va tsu que'i patsuya'cho hora. Sinttia'su na'su, Satana, tsu ja'ño patsu.

Marcos 1:13

Jesúsja cuarenta a'tave tseni can'jen. Tsenijan osha'cho ttesiaca'moa can'jen'fa. Tseni can'jensi cocoya na'su, Satana, jipa Jesúsma qqueña qquen tson. Tsa'ma Chiga sefacconi'su shondosundeccu Jesúsma coira'je'fa.

Mateo 4:6

tisema su: —Queja ñoa'me Chiga Dutssi'yeta vane butto amppija. Chiga Tevaen'jenga qquen tsu tevaen: Chigaja Tisema sefacconi'su shondosundeccuma mandaya quema coiraye. Tise'pa tivei'ccu quema opipa ñotsse coira'faya que tsu'tte patunga iñaccasa'ne.

1 Timoteoga 3:16

Ingi tayoe condambi'choa Chigave in'jan'choja ñoa'me joccapitssia in'jan'cho tsu. Majañi'qque tsama a'tieñe osha'fambi: Chigaja a'ive dapa attian. Chiga Qquendya'pa Tise ño'ama canjaensi sefacconi'su shondosundeccu'qque Tisema attepa shondo'fa. Tisene candusian'fasi israembindeqquia'qque paña'fa. Nane tsa'caen candusian'fasi poi ande'su aindeccu Tise've in'jan'fa. Tiseja sefacconi ansundepa ñoa'me ti'tsse'tssia've dapa can'jen.

1 Reyes 19:6

Elíasja piyicamba atte tise tsove pporotsse tseyi cuname si'ngenga matssan'cho pan toya'caen tsa'ccu tsoripa ccutsu'choma. Attepa jangipa amba cu'i. An nanimba ccase ccuipa ana.