Mateo 28:6 - Cofán: Chiga Tevaen'jen

⁶ Tiseja vani can'jembi. Tise tayoe suqquia'caen ccase qquendya. Jipa tise ccui'ttima can'faja.

Mateo 28:6 Referans Kwoze

Marcos 16:6

Dyo'fasi tsandieja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa. Tsa'ma tiseja ccase qquendya. Va'ttija me'i'on. Jipa tise ccui'ttima can'faja.

Mateo 12:40

Nane Jonás tres a'ta, tres cose'qque rande avu ttopani can'jenqquia'caen gi Sefaccone Ji'cho A'i'qque papa tres a'ta, tres cose'qque andenga a'tu'fasi can'jeña'cho.

Mateo 16:21

Tsequi a'ta ashaemba Jesúsja tisema shondosundeccunga jai'ngae tsoña'chone conda. Tiseja Jerusaléni japa osha'chove tsu vanaña. Israe'su coenzandeccu, Chigama afa'su nasundeccu, Chiga manda'choma atesiansundeccu'qque tisema indipa fi'ttiye afe'faya. Fi'ttisi tsu papa tres a'tagae ccase qquendyaya.

Lucas 24:23

Jesús ai'voma atte'fambi. Tsa'ma sefacconi'su Chigama shondosundeccuma attepa “Jesúsja tayo qquendya” qquen paña'fa. Tsa'caen tsu inginga conda'fa.

Lucas 24:44

Tsomba Jesúsja tise'pama su: —Ña toya que'i'ccu can'jeinte gi ja'ño tsoña'chone conda'a. Nane Moisés manda'cho, Chiga Aya'fama afasundeccu tevaen'jen, settapoen'cho tevaen'jen'qque ñama tsoña'chone condase'fa. Tsa tayoe ña que'inga condase'choma tsu ja'ño tson'fa.

Mateo 27:63

su'fa: —Na'su, tsa afopoen'su toya canseite tsu su: “Papa tres a'tangae gi ccase qquendyaya.”

Juan 2:19

Qquen iñajampañasi Jesúsja su: —Va Chiga ettima osian'ninda gi tres a'tangae ccase ccutsiaña.

Marcos 8:31

Tsomba Jesúsja atesiañe ashaemba su: —Sefaccone Ji'cho A'i gi me'detsse vanaña. Nane coenzandeccu, Chigama afa'su nasundeccu, Chiga manda'choma atesiansundeccu'qque ñama chi'gapa fi'tti'faya. Tsa'ma ñama fi'tti'fa'ni'qque tres a'tangae gi ccase qquendyaya.

Juan 10:17

Ñajan ccase qquendyaye paya'si tsu ña Yayaja ñama in'jan.

Lucas 24:12

Tsa'ma Pedroja tse'faei'ccuyi jangipa buttopa atu'ttini ja. Ccarupa ppoicamba oppoen'cho sarupaveyi atte. Attepa ma'caen da'choma asi'ttaemba toequi tsaoni ji.

Mateo 20:19

Fi'ttiye mandapa tsu israembindeqquianga ñama afe'faya. Tsendeccu ñama afasepa ma'ppi'faya. Ma'ppipa ñama avuja'cconga otipa fi'tti'faya. Papa tres a'tangae gi ccase qquendyaya.

Mateo 17:23

Afesi tsu tsendeccu ñama fi'tti'faya. Ñama fi'ttisi tres a'tangae Chigaja ñama ccase qquendyaeña. Qquen susi tisema shondosundeccu ñoa'me ñombi'ye'fa.

Mateo 17:9

Ccotta'cco'ye ande jipa Jesús tise'pama manda: —Que atte'choma ña toya can'jen'ni majangayi'qque conda'fajama. Sefaccone Ji'cho A'i gi ccase qquendyasi condaya'cho.

Tson'fa'cho 2:24

Tsa'ma tsa'caen fi'tti'fasi Chigaja tisema ccase qquendyaen tsangae paya'cho'ye joqquitssiamba. Nane tiseja tsangae paye oshambi.