Mateo 27:57 - Cofán: Chiga Tevaen'jen

⁵⁷ Tayo cose jisi Arimatea canqque'su a'i, José, ji. Tiseja ricopa osha'choma an'biamba toya'caen Jesúsve'qque in'jan.

Mateo 27:57 Referans Kwoze

1 Samuel 1:1

Israel ande'su Efraín aindeccu can'jen'cho ccotta'cconi tsu Ramá canqque jin. Tseni tsu can'jen Zuf antiandeccu'su a'i tise inise Elcana. Tsa Elcana tsu Jeroham dutssi'ye. Tise yaya ccashe'ye tsu Eliú. Eliú yaya tsu Tohu. Tohu tsu ñoa'me Zuf dutssi'ye. Nane poiyi'cco tsu israe'su Efraín aindeccu'su.

Isaías 53:9

Minguite'qque tiseja egae tsincombi. Ni tise aya'fa'ye egae afa'choja sombombi. Tsa'ma egae tsinconsundeccui'ccu fae'ngae tisema a'tu'fasi tsu ricondeccui'ccu fae'ngae tiseja ccui.

Mateo 27:58

Jipa Pilatonga japa Jesús ai'vove iñajan. Iñajansi Pilato manda cuintsu tisenga afe'faye.

Tson'fa'cho 13:29

Tsa'caen tsomba toya'caen pa'cco Chiga tevaen'jen ma'caen tisema fi'tti'faya'chove suqquia'caen tsomba avuja'cco'ye andiamba a'tu'fa.

Marcos 6:29

Tsa'caen fi'tti'fasi tisema shondosundeccu pañamba jipa tise ai'voma angapa a'tu'fa.