Mateo 26:63 - Cofán: Chiga Tevaen'jen

⁶³ Tsa'ma tsa'caen iñajampaña'ni'qque Jesúsja afambi. Afambisi joccapitssia Chigama afa'su na'suja su: —Cansia Chiga caña'jen'ni gi quema manda: Inginga tansintsse condaja: ¿Queta ti qui Cristo? ¿Chiga Dutssi'ye ti qui?

Mateo 26:63 Referans Kwoze

Mateo 16:16

Tsonsi Pedroja su: —Queja Cristo. Tsangae canse'cho Chigambe Dutssi'ye qui.

Isaías 53:7

Tisema vanaemba egae tson'jen'fa'ni'qque tiseja afambi. Nane ovejama fi'ttiye angaqquia'caen tisema angasi oveja tosema chattuye tson'jensi ziyaqquia'caen tiseja afambi.

Mateo 27:12

Tsa'ma Chigama afa'su nasundeccu, israe'su coenzandeccu'qque Jesúsja egae tsincon qquen afa'je'fa'ni'qque Jesúsja afambi. Afambisi

Juan 20:31

Tsa'ma tayo tevaen'choma gi tevaen cuintsu que'i pañamba in'jan'faye Jesúsja Cristo tsu, Chiga Dutssi'ye. Que'i tsa'caen tise've in'jan'da qui tise a'ive dapa tsangae canse'faya.

Juan 19:9

ccase tise tsa'onga ca'nimba Jesúsma iñajampaña: —¿Mani'su qui queja? Tsa'ma Jesúsja afambi.

Juan 19:7

Tsa'ma israendeccuja su'fa: —Tiseja “Ña gi Chiga Dutssi'ye” qquen supa tsu shacapa. Nane ingi manda'cho jinqquia'caen tsa'caen su'cho a'imajan fi'ttiya'cho.

Juan 18:37

Tsa'caen susi Pilatoja su: —¿Tsuin'da que ti qui ñoa'me na'su? Jesúsja su: —Que suqquia'caen, ña gi na'su. Tsaneñi isu'fa'cho gi. Nane va andenga gi ji ñoa'me su'choma a'inga atesiañe. Majan a'i ñoa'me su'choma pañamba tson'da ñama tsu paña'fa.

Juan 10:36

qquen su'ninda ¿ma'caen qui que'ija ñama afase'fa? Nane Chiga Quitsa tsu ñama in'jamba ttu'sepa va andenga moen. Tsa'cansi ña gi Chiga Dutssi'ye qquen susi'ta ¿ma'caen qui que'ija ña Chigane egae afa'je qquenjan su'fa?

Juan 10:30

Ña, ña Yaya gi fae'ccoyi'fa.

Juan 10:24

israendeccuja tisema shoquendi ttupa iñajampaña'fa: —¿Min'ge'e qui ingima qqueña qquen tsincon? Queja ñoa'me Cristo'ta, junde ñotsse tansintsse condaja.

Juan 8:25

Tsonsi iñajampaña'fa: —¿Tsuin'da majan qui queja? Jesúsja su: —Tayo gi me'ttia'ye su'a.

Juan 6:69

Ingita gi tayo in'jan'fa. Atesu'fa gi queta qui Cristo, Chiga Dutssi'ye.

Juan 1:49

Natanaelja pañamba su: —Atesian'su, que qui Chiga Dutssi'ye. Que qui israe Na'su.

Juan 1:34

Attepa gi que'inga conda va Jesúsja ñoa'me Chiga Dutssi'ye tsu.

Marcos 14:61

Tsa'ma Jesúsja fae ayafaveyi'qque afambi. Afambisi Chigama afa'su na'suja ccase iñajampaña: —¿Que ti qui Chiga in'jan'cho Cristo? ¿Que ti qui Ño'a Chigambe Dutssi'ye?

Mateo 27:54

Tsa'caen tsonsi sundaro capitán, faesu Jesúsma caña'jen'cho sundarondeccu'qque osha'choma atte'fa. Ande oya'je'choma'qque in'jamba dyo'fa. Dyopa su'fa: —¡Va tsandieja ñoa'me Chiga Dutssi'ye tsu!

Mateo 27:43

Tiseja Chigave in'jan qquen tsu su. Tsa'cansi Chiga tisema ñoa'me in'jan'da cuintsu Chigaja tisema ja'ño ccushaenjan. Nane tayo tsu tiseja su: “Ña gi Chiga Dutssi'ye.”

Mateo 27:40

qquen supa: —¡Queja Chiga ettima osaemba tres a'tangae ccase ñoñañe qquen su'chota tisuma ccushaenjan! ¡Que qui ñoa'me Chiga Dutssi'yeta avuja'cco'ye andeja!

Mateo 27:14

Jesúsja tisema da'ñomba afa'je'fa'ni'qque afambisi governaror asi'ttaemba can'boen.

Daniel 3:16

Tsa'caen susi tsa tres dusungandeccuja qquen su'fa: —Tsane jongoesu qquen afaya'chove me'cho'fa gi.

1 Pedro 2:23

Tisema afase'fa'ni'qque poini afasepa afambi. Vanaen'fa'ni'qque Jesúsja vanaensundeccuma iyicca'yepa afambi. Tsa'ma Chiga tansintsse injama'choma somboeña qquen atesupa Tisenga antte cuintsu vanaensundeccumbe injama'choma somboeñe.

Mateo 4:3

Qquipoe'susi cocoya na'suja tisenga jipa qqueñacañe in'jamba su: —Queja ñoa'me Chiga Dutssi'ye'ta mandaja cuintsu va patu sheque'cho anqque'su panme dasi añe.

Mateo 26:62

Qquen su'fasi joccapitssia Chigama afa'su na'su jangi ccutsupa Jesúsma iñajampaña: ¿Tansintsse ti va aindeccuja quene su'fa? ¿Tsa'caen ti qui su? ¿Afaya'bi ti qui?

2 Corinto'su 1:19

Ñajan, Silvano, Timoteo'qque que'i'ccu can'jemba Cristo Jesúsne candusian'fa. Cristo Jesúsja Chiga Dutssi'ye tsu. Tiseja injanga afambi. “Me'i” qquen in'jamba “Ju” qquen tsu sumbi. Nane tise suqquia'caen tsu tson.