Mateo 26:53 - Cofán: Chiga Tevaen'jen

⁵³ ¿Atesu'fambi ti qui ña in'jan'da gi ña Yayama iñajansi Tise tsu cuarenta milma ti'tsse Tise'be sefacconi'su shondo'su sundarondeccuma moeña ñama fuite'faye?

Mateo 26:53 Referans Kwoze

Mateo 4:11

Tsonsi cocoya na'suja Jesúsma catipa ja. Jasi Chigama sefacconi'su shondosundeccu Jesúsnga jipa tisema quiñaen'fa.

Lucas 8:30

Tsonsi Jesúsja cocoyama iñajampaña: —¿Jongoesu inise qui? Tiseja su: —Legión (Injantssia Sundarondeccu) gi. Tsain'bitssi cocoya ca'ni'chopa tsu tsa'caen su.

Judas 1:14

Enocja tayopi'su Adán'ttie septimo omba'su dutssi'ye tsu. Chiga tisema in'jaensi Enoc va egae atesiansundeccune qquen conda: “Atte gi Na'su Chiga ñoa'me'qque tsain'bitssia Tisema shondosundeccui'ccu jiña'choma.

2 Tesalónica'su 1:7

Toya'caen que'i vanasundeccuma'qque ingi'ccu fae'ngae ño'faemba tsu tansintsse tsoña. Nane tsequi a'ta Na'su Jesús tise quin'an sefani'su shondosundeccui'ccu sefaccone attiamba tsu si'nge anchanda'je'choi'ccu jipa

Mateo 25:31

Jesús ti'tsse atesiamba su: —Sefaccone Ji'cho A'i na'suve dapa tise sefacconi'su shondosundeccui'ccu jipa tise ñotssia dyaipa'chonga tsu dyaiya.

Marcos 5:9

Qquen susi Jesúsja iñajampaña: —¿Jongoesu inise qui? Tiseja su: —Legión (Injantssia Sundarondeccu), qquen gi inisecho'cho, ingija tsain'bitssipa.

Marcos 5:15

Jesúsnga jipa tsa tayoe cocoya ca'ni'cho a'ima atte'fa. Nane tsa tayoe Tsain'bitssi Cocoya Sundarondeccu qquen inisecho'cho tayo ñotsse in'jamba ondiccupa dyai. Tsama attepa dyo'fa.

Juan 10:18

Ña in'jambian'da faesuja ñama fi'ttiye in'jan'ma oshambi. Ñajan oshacho –paye in'jan'da paya– ccase qquendyaye in'jan'da qquendyaya. Tsa'caen tsu ña Yayaja ñama manda.

Juan 18:36

Jesúsja su: —Ñajan na'sia'caen mandambi gi va andeni. Ña'qque vani'su na'sia'caen can'jen'choecan'da ña aindeccuja iyicco'faye'can tsu, israendeccu ñama indi'fasa'ne. Tsa'ma ñajan vanima mandambi gi.