Biblia Todo Logo
Bib sou entènèt

- Piblisite -




Mateo 26:52 - Cofán: Chiga Tevaen'jen

52 Tsonsinama qquerui ttovasi Jesúsja su: —Que matichima toengayi ppiñajan. Poiyi'cco majan matichi'ccu iyicco'ta matichi'ccu tsu pa'faya.

Gade chapit la Kopi




Mateo 26:52
13 Referans Kwoze  

Majandeccu faesuma indipa anga'ta tise'pa'qque tsu indiye'faya'cho. Toya'caen majandeccu matichi'ccu fi'tti'ta tise'pa'qque tsu tsesui'ccuyi pa'faya. Tsa'cansi tsu poiyi'cco Chiga aindeccuja Cristove in'jamba opatsse canse'faya'cho.


Majan faesu a'ima fi'tti'ninda faesu a'i tsu tsama'qque fi'ttiya. Nane Chiga tisia'caen a'ive agattoen'choma fi'ttipa tsu tsa'caen paya.


In'jan'chondeccu, faesu que'ima egae tsinconsi ccane'qque tisema egae tsincon'fajama. Tsa'ma antte'faja cuintsu Chiga Quitsa tsa egae tsincon'suma iyicca'yepa iyu'uye. Na'su Chigaja qquen su'choma tayo tevaen: “Ña gi injama'choma somboen'su. Egae tsincon'suma gi egae tsoña.” Tsa'caen tsu Na'suja su.


Faesu que'ima egae tsonsi ccane'qque egae tson'fajama. Egae afasesi ccane'qque afase'fajama. Tsa'ma ccane'qque tisema ñotsse tson'faja. Nane Chigaja que'ima in'jamba tsa'caen ttu'se osha'cho ñotssiama que'inga afeye.


Tsa'ma va andesundeccuja Que aindeccuma, Quema afasundeccuma'qque fi'tti'fa. Nane tise'pa anjampama tssañamba fi'tti'fa. Tsa'cansi Queja ccane'qque tise'panga anjampama cui'ña. Tise'pa tsa'caen tson'chone tsa'caen vanañe ñotssi tsu.


Injama'tse, majan que'ima egae tsonsi ccane'qque egae tsonsa'ne. Tsa'ma ma'caen osha'ta tisupapora, nane poiyi'ccoma ñotsse tson'faja.


Tsa'ma ñanda gi que'ima su: Cca'i quema egae tsincon'ni'qque tsama se'pijama. Nane a'i quema faefa'su tsovejuma tssai'ninda ccafa'su tsovejuma canjaen'faja cuintsu tsama'qque tssaiye.


Swiv nou:

Piblisite


Piblisite