Mateo 26:31 - Cofán: Chiga Tevaen'jen

³¹ Tseni japa Jesús tise'panga su: —Que'i poiyi'cco ja'ño cose qui injama'cho qque'faya. Ñame in'jamba indiyesa'ne qui dyopa ccuya'faya. Nane Chiga Tevaen'jen suqquia'caen tsu tsoña: “Coira'suma fi'ttisi oveja tsu shequequin ja'faya.”

Mateo 26:31 Referans Kwoze

Zacarías 13:7

Na'su Osha'choma Oshacho'choja qquen su: “¡Qquendyaja matichi, jangipa ña ovejama coira'suma fi'ttija! ¡Tsa ñama fuite'suma fi'ttija! Nane coira'suma fi'tti'ninda oveja tsu shequequin ja'faya. Toya'caen gi ccase jipa oveja dushundeccuma'qque fi'ttiya.

Juan 16:32

Que canjan. Tayo tsu napiji, nane ja'ñoñiña tsu que'i cca'tti cca'tti attufaccoya'cho ñama tisuveyi catipa. Tsa'ma tisuyimbi gi Chiga ña Quitsa ñai'ccu can'jensi.

Salmos 69:20

Nane ñajan tsa'caen vana'jemba gi injama'cho tsosipie doqquia'caen oshambi. ¡Injama'cho shacasi gi oshambi! Ñama fuite'suve tta'tta'ma attembipa ñama vuiquian'suve tta'tta'a'qque gi cachuimbi.

Mateo 11:6

Majan ñame in'jamba ansangembi'ta ñoa'me tsu avujatssi'faya.

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Mateo 26:56

Tsa'ma tayopi'su Chiga Aya'fama afasundeccu ñama fi'ttiya'chone tevaensi ja'ño tsu tsa'caen tsoña'cho ñoa'me su'cho qquen canjaeñe. Qquen su'je'ni poiyi'cco Jesúsma shondosundeccu tisuveyi tisema catipa ccuya'fa.

Mateo 26:24

Nane Chiga tevaen'jen suqquia'caen Sefaccone Ji'cho A'ima afesi indi'faya. Tsa'ma va'cha tsu tisema afe'su. Tise've tise mama isumbiecan'da tsu tisene bove ñotssiye'can.