Mateo 26:28 - Cofán: Chiga Tevaen'jen

²⁸ Va cui'ccuja ña anjampa tsu. Chiga a'i'ccu fae'ngae injancco'fa'chove canjaen'cho anjampa tsu. Tsain'bio a'ine ña anjampa tssamba catiyeya tise'pa egae tsincon'choma joqquitssiañe.

Mateo 26:28 Referans Kwoze

Levítico 17:11

Ñoa'me tsu anjampaja osha'cho canseqque'suma cansian'su. Toya'caen ña'qque gi tsa anjampama antte cuintsu tsai'ccu oque'je'chonga bitssaemba que'i egae tsincon'cho'ye pasaye. Nane anjampa tsu que'i egae tsincon'choma pasaemba que'ima ccushaemba cansian'su.

Mateo 20:28

Tsa'caen ñajan, Sefaccone Ji'cho A'ita gi faesuma mandaye jimbi. Nane faesuma fuiteye gi ji. Tisuma afepa poimbe shacama afepoeñe gi ji ccushaya'chone.

Canjaen'cho 7:14

Iñajampañasi gi su: —Na'su, que qui atesu. Tsonsi tsu su: —Ñoa'me vana'jeinte tsu vandeccuja ccushapa sombo'fa. Nane Ovejambe anjampa tssan'choi'ccu tise'pa ondiccu'jema giya'tsse totoave cashipa tsu ccusha'fa.

1 Corinto'su 11:25

Tsa'caeñi tsu an nanimba tasama'qque isupa su: “Ña anjampa que'ine tssansi tsu va tasaja Chiga quei'ccu cuname fae'ngae injancco'fa'chone canjaeña. Minga'ni va tasama cui'je'ta ñama injan'jen'faja.”

1 Juan 2:2

Tsaja ingi egae tsincon'cho shacama afepoen'su. Aqquia ingiveyi me'i, tsa'ma poi biani'su ande'su a'i egae tsincon'cho shacama'qque afepoen'su tsu Jesucristoja.

Hebreo'su 13:20

Ingija oveja'can'fa gi. Na'su Jesúsja ti'tsse'tssia ingima coira'su tsu. Tise anjampa tssansi tsangae tsu ñoña cuintsu Chiga a'i'ccu cuname fae'ngae injancco'faye. Pasi Chiga Quitsa, opatsse tson'su, tisema ccase qquendyaen. In'jan'fa gi cuintsu Chiga Quitsa

Hebreo'su 9:28

Tsa'caeñi tsu Cristo'qque fae seyi papa tsain'bitssia a'i egae tsincon'cho shacama afepoemba ccucha. Tsa'caen tsomba tsu jai'ngae ccase vani jiya. Ccase egae tsincon'choma joqquitssiañe jiya'bi. Tsa'ma poiyi'cco majan tise've in'jan'chondeccuma ccushaeñe tsu jiya. Tsendeccuja avujatsse tise've ronda'je'fa.

Efeso'su 1:7

Chigaja ñoa'me ingima in'jamba ccushaen. Nane Jesucristo anjampa tssansi Chigaja ingima ccushaemba ingi egae tsincon'choma'qque joqquitssian.

Colosa'su 1:14

Nane Jesúsja papa tise anjampai'ccu ingi egae tsincon'choma joqquitssiamba ingima ccushaensi gi tisenga ca'ni'fa.

Lucas 22:19

Tsomba Jesús panma isupa tsane'qque Chigama ñotsse afapa doñamba tise'panga attufaen qquen supa: —Vaja ña ai'vo tsu. Que'ine gi ña ai'voma afe. Tsa'cansi va panma an'da ña que'ine afe'choma injan'jen'faja.

Colosa'su 1:20

Toya'caen Chigaja in'jamba Jesúsi'ccu osha'choma ccushaemba Tisunga ñoquian. Nane osha'cho va andeni jincho'choma toya'caen osha'cho Chiga Sefacconi jincho'choma'qque Tiseja Jesús anjampai'ccu ccushaen. Nane Jesús avuja'cconga pasi osha'cho tsu ccushapa Chiganga ñoqui.

Romanos 5:19

Nane fae a'i Chigama ñotsse pañambisi tsain'bio a'i egae tsinconsundeccuve da'fa. Tsa'ma faesu a'ija Chigama ñotsse pañasi tsain'bitssia a'i Chigane ñotssiave da'fa.

Marcos 14:24

Cui'je'fasi Jesúsja su: —Va tsu ña anjampa –Chiga a'i'ccu tseyi fae'ngae injancco'fa'chove canjaen'cho anjampa tsu. Tsain'bio a'ine ña anjampa tssamba catiyeya tise'pa egae tsincon'choma joqquitssiañe.

Jeremías 31:31

Na'su Chigaja qquen tansintsse conda: “Tayoe Israel tayopisundeccu'yema Egipto'ye somboemba ipa gi tise'pai'ccu fae'ngae injancco'fa'chove afa. Tsa'ma tsendeccu ñama ñotsse pañambipa ñai'ccu injancco'fa'choma cati'fa. Tsa'cansi jai'ngae gi israendeccui'ccu toya'caen judándeccui'ccu fae'ngae ccase injancco'faya. Tsata tsu tayosia'cambi. Ña, Na'su Chiga gi que'inga conda.

Canjaen'cho 7:9

Tsama attepa gi ccase camba tsain'bio a'ima atte. Nane tsain'biosi gi agattoye oshambi. Poi ande'su, poi a'i'su, poi aya'fa'su, poi na'su manda'cho'su tseni na'su dyaipa'cho isevetsse ccutsu'fa. Nane Oveja cambajufani tsu ccutsu'fa. Totoa ondiccu'jema ondiccupa tiveni shishijema i'supa

Romanos 5:15

Fae a'i egae tsinconsi tsain'bitssia a'i tsu pa'fa. Tsa'ma Chiga Quitsa ingima mende'yepa ñotssiama inginga afeqquia'caen ñoa'me ñotsse ccushaen'choja ccaninga tsu. Nane Tise ccushaensi fae a'iyi, tsa Jesucristo, ingima mende'yepa tsain'bitssia a'ima ccushaen.

Marcos 1:4

Juan a'ima feti'su ji a'i menia. Jipa qquen candusian: —Majan ño'ame daye in'jamba tise in'jangae canse'choma catiye in'jan'da ñotssi tsu fetiyeye. Chiga tsu que'i egae tsincon'choma joqquitssiaña.

Mateo 6:12

Ingi quema egae tsincomba shacaen'choma aqquepoenjan, ingi ingima egae tsincomba shacaensundeccuma aqquepoenqquia'caeñi.

Mateo 26:27

Tsomba tasama isupa ccase Chigama ñotsse afa. Afa nanimba tisema shondosundeccunga afepa su: —Va tasa'suma poiyi'cco cu'i'faja.

Mateo 26:29

Que'ima gi su: Ja'ño va o'fa tsaja vinoma cu'ipa gi ccase vani cui'ya'bi. Ña yaya cuname ñoñasi que'i'ccu tseni cui'ya'gae gi catsa va ofa tsaja vinoma cui'ya'mbi.

Lucas 22:20

Omboe pa'ccoma an nanimba tasama'qque isupa afe. Tasama afepa qquen tsu su: —Chiga Quitsa aindeccui'ccu cuname injancco'fa'choma condasesi ña anjampa tsu tsane tssaña'cho. Que'ine gi ña anjampama tssañaña. Va o'fa tsaja tasa tsu ña anjampa tssamba ccushaen'choma canjaen.

Hebreo'su 10:29

Moisés su'choma chi'gasi mende'yembe'yi fi'tti'ninda ñoa'me tsu Chiga Dutssi'yema chiga'suja ti'tsse dyo'tsse vanaña'cho. Jesúsja tise anjampa tssansi cuname Chiga a'i'ccu injancco'faya'chove ashaemba a'ima ttu'sesi tsu Chiga in'jan'cho aindeccuve da'fa. Tsa'ma tsendeccu'suja “Jesúsja aqquia a'ipa injanga pa” qquen in'jamba tise'pama ccushaen'suma chi'ga'fa. Nane Chiga Qquendya'pa tise'pama ñotsse tsoña'chove'qque se'pipa chi'ga'fa. Ñoa'me tsu tsendeccuja ti'tsse dyo'tsse vana'faya'cho.