Mateo 26:15 - Cofán: Chiga Tevaen'jen

¹⁵ Chigama afa'su nasundeccunga japa su: —Ña Jesúsma que'i indiye afe'nijan ¿mi'getsse qui ñanga afepoeña?

Mateo 26:15 Referans Kwoze

2 Pedro 2:3

Afopa'cho atesiansundeccuja panshaen osha'choma in'jamba que'ima afopoemba daño'faya tisupa ganañe. Bo'tsse Chigaja ronda'je tise'pa injama'choma somboeñe. Tsa'ma ja'ño tise'pama catiya'chove tayo ñoñasi ca'tsa napiji.

1 Timoteoga 3:3

Ccusipambe'yi ni putsa'sia'cambe'yi canseya'cho. Tsa'ma vasuitsse poiyi'ccoi'ccu ñotsse tsomba opatsse canseya'cho. Corifin'dima panshaen boñañe in'jambitsse'yi canseya'cho.

Tson'fa'cho 1:18

Tsa'ma Judasja nasipama chava tise egae tsomba gana'cho corifin'di'ccu. Tsomba omboe tsoveningae andenga amppisi tise ttopaja chittain ja.

Jueces 16:5

Tsonsi filisteo'su nasundeccu Dalilani jipa su'fa: —Osha'ta tta'ttapa atesuja tise jongoesui'ccu tsa'caen quin'anme da'chove. Toya'caen tta'ttapa atesuja ma'caen tisema patsupa tandamba an'biaña'chove. Que oshapa atte'ninda ingi poiyi'cco gi mil ciento corifin'dive quenga afe'faya.

Génesis 38:16

Tsa'caen in'jamba tsaiqui utufa'ye tsa pushesunga catseye ja, tsa pushesuja tise china qquen atesumbipa. Catsepa su: —¿Antte ti qui ña quei'ccu ccuiye? Pushesuja su: —Ñai'ccu ccui'ta, ¿jongoesuma qui ñanga afeya?

Mateo 10:4

Simón (tsaja cananeo gi qquen in'jan'cho a'i tsu), Judas Iscariote (tsaja Jesúsma jai'ngae chi'gapa afe'su tsu).

Mateo 26:16

Qquen susi treinta totoa cori corifin'dima agattopa afepoen'fa. Judas tsama isupa tse'faei'ccuyi tta'tta maqui osha'ta Jesúsma tise'panga afeye.