Mateo 24:4 - Cofán: Chiga Tevaen'jen

⁴ Qquen iñajampañasi Jesús su: —Injama'tse majandeccu que'ima afopoemba qqueñasa'ne. Chigaja ñama moen a'ima ccushaen'suve.

Mateo 24:4 Referans Kwoze

1 Juan 4:1

Ña in'jan'chondeccu, poiyi'cco Chiga in'jaensi afa'je qquen su'chondeccuma injanga paña'fajama. Tsa'ma poiyi'ccoma pañacan'faja majan ñoa'me Chiga in'jaensi afa'je'choma atesuye. Nane poi andeni tsu tsain'bitssia Chiga Aya'fama afa'je qquen afopoensundeccu jacan'fa.

2 Tesalónica'su 2:3

Injama'tse, faesu que'ima afopoensa'ne. Nane Na'su toya jimbi'te tsu aindeccuja o'tie Cristoma catipa chi'ga'faya. Tsa'caen chi'ga'fasi tsu tsa ñoa'me egae tsincon'suja attiaña. Tsa'ma tsa tsu jai'ngae tsangae catiyeya'cho. Tsaja osha'cho chiga'ca'ma, osha'cho a'i iñajanqque'suma'qque chi'gapa patsuya. Tsa'caen patsupa Chiga'caen Chiga ettinga ansundepa dyaipa suya: “Ña gi Chigaja.”

Colosa'su 2:8

Injama'tse cca'i atesiansundeccu osha'cho a'i in'jan'cho osha'cho aqquia afopoen'choi'ccu que'ima qqueñasa'ne. Tsaja aqquia a'i in'jamba nafattu'cho tsu. Chigave in'jambi'choa in'jamba in'jaen'cho tsu. Tsaja Cristone in'jaen'chombi tsu.

Efeso'su 5:6

Injama'tse, cca'i afaccopa que'ima qqueña'fasa'ne. Poiyi'cco majan tsa'caen egae tsincon'da ñoa'me Chigama pañambindeqquia tsu. Tsa'caen tso'ninda Chiga Quitsaja ñoa'me tsendeccuma iyicca'yeya.

Marcos 13:22

Nane afopa'cho Cristondeccu, afopa'cho Chiga Aya'fama afasundeccu tsu attian'faya. Attiamba ñoa'me ti'tsse'tssia canjaen'cho, osha'cho agattoen'choma'qque tsu canjaen'faya a'ima qqueñañe. Nane osha'ta tsu Chiga ttu'se'chondeccuma'qque qqueña'faya.

Efeso'su 4:14

Ja'ñonda gi toya du'shua'caen canse'faya'bi. Nane fingian shave'pama vafanga ccafanga angaqquia'caen dushunaccuja osha'cho atesian'choma pañamba in'jan'fa. Egae atesiansundeccuja ñotssia aya'fai'ccu afopoemba du'shuma qqueñañe in'jan'fa.

Lucas 21:8

Tsonsi Jesúsja tise'pama su: —Injama'tse majandeccu que'ima afopoemba qqueñasa'ne. Chigaja ñama moen a'ima ccushaen'suve. Tsa'ma tsain'bio a'i tsu jipa “Ña gi Chiga in'jan'cho Cristo” qquen afopoen'faya. “Ja'ño tsu Chigaja a'ima ccushaeña” qquen tsu su'faya. Tsa'ma tise'pama paña'fajama.

Colosa'su 2:18

Antte'fajama cca'indeccu que'inga afopoemba que'ima dañosi que'i jai'ngae isuya'choma pasasa'ne. Nane tsendeccuja Chiga attian'choma atte qquen afopoemba tsu qquen manda'fa: “Tisuma se'pipa Chigama sefacconi'su shondosundeccuma iñajaña'cho tisu ccushaye.” Tsa'ma tsa'caen manda'fa'ni'qque paña'fajama ni tise'panga dyo'fajama. Tise'pa injama'cho egasi injanga asi'ttaemba tsu tsa'caen tisuja ñotssi qquen in'jan'fa.

Galacia'su 6:3

Majan tisu panshaen joccapitssi qquen in'jamba cca'ima fuiteye oshambi'ta ñoa'me bove'ccoa tsu. Tisuma tsu afopoen.