Mateo 24:31 - Cofán: Chiga Tevaen'jen

³¹ tisema sefacconi'su shondosundeccuma tsu mandamoeña. Nane moensi jeña'choma quia'me jeñamba poi biani'su andeni japa Cristo ttu'sepa in'jan'chondeccuma tsu i'nga'faya. Nane sefacco já ccutsuni'qque japa i'nga'faya.

Mateo 24:31 Referans Kwoze

1 Tesalónica'su 4:16

Tsa'ma Na'suja ttu'seye mandapa Tisema sefacconi'su shondo'su na'su fundosi Chigambe jen'choma jeñasi Jesús tsu sefaccone andeya. Tsa'caen Na'su Jesús sefaccone andesi Cristove in'jamba pa'chondeccuja o'tie qquendya'faya.

Marcos 13:27

tisema sefacconi'su shondosundeccuma tsu manda moeña poi biani'su andeni japa Tise ttu'sepa in'jan'chondeccuma cuintsu i'nga'faye. Nane sefacco já ccutsuni'qque japa i'nga'faya.

1 Corinto'su 15:52

Tse'faei'ccuyi, pasa'pave sefacconi'su jen'choma jeñasi gi ccaningae da'faya'cho. Ñoa'me sefacconi'su jen'choma tsu jeñaña. Jensi pa'chondeccuja congo'masiave dapa tsu qquendyapa canse'faya. Ingi'qque ccaningae dapa canse'faya.

Mateo 13:41

Sefaccone Ji'cho A'i mandasi tise'be sefacconi'su shondosundeccu japa Chigama na'sian'cho aindeccuma boñamba poiyi'cco cca'indeccuma egae tsincoensundeccuma, poiyi'cco egae tsinconsundeccuma'qque attufaen'faya.

2 Tesalónica'su 2:1

Ingi Na'su Jesucristo ñoa'me jiye tson'jen. Jisi gi ingija tisenga bo'faya. Tsa'cansi faengasundeccu que'ima gi iñajan'jen:

Efeso'su 1:10

Chiga in'jamba antte'cho tsu qquen: Cristoi'ccu tsu pa'tssi osha'choma fae'ngae ñoña'faya'cho. Osha'cho sefacconi jincho'choma, osha'cho va andeni jincho'choma'qque tsa'caen fae'ngae ñoñasi Cristoja mandaya. Tsequi a'ta, Chiga in'jamba mandasi tsu tsa'caeñi tson'faya.

Juan 11:52

Tsa'ma israendeccuneñimbi tsu Jesús paya'choja. Poiyi'cco attufa'cco'cho Chiga dutssiyendeccu'qque fae a'iyiqquia'caen da'faye tsu Jesúsja paya'cho.

Mateo 25:31

Jesús ti'tsse atesiamba su: —Sefaccone Ji'cho A'i na'suve dapa tise sefacconi'su shondosundeccui'ccu jipa tise ñotssia dyaipa'chonga tsu dyaiya.

Canjaen'cho 7:1

Tsomba tse'i ñajan cuatro Chigama sefacconi'su shondosundeccuma atte. Sefacco já ccutsu'choni'su cuatro tsutopani ccutsupa va ande'su cuatro fingiama tsu indi'fa. Tsa'caen tsu indi'fa cuintsu fingian ni ande ni mar ni quini'ccoma fingiamba oyaeñe oshambiye.

Deuteronomio 30:4

Nane que'i aindeccu ñoa'me ti'tsse biani'su andeni can'jen'fa'ni'qque tsu Na'su que'i Chigaja tsendeccuma'qque tta'ttapa iya.

Canjaen'cho 8:2

Omboe Chiganga ccutsucho siete sefacconi'su shondosundeccuma gi atte. Tise'panga tsu siete sundaro jeñaqque'suma afe.

Romanos 10:18

Tsa'ma ñajan que'ima iñajampaña: ¿Ñoa'me ti israendeccuja Chiga Aya'fama paña'fambi? Me'i, ñoa'me tsu paña'fa. Nane Chiga Aya'faja su: Tise'pa candusian'choma poiyi'cco a'i paña'fa. Nane sefacco já furichoni tise'pa condase'choja napi.

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Mateo 24:22

Nane Chiga tsa'caen vanaña'cho a'tave agattoccoeyi anttembiecan'da ñoa'me tsu poi a'i pa'faye'can. Tsa'ma Chigaja Tise ttu'se'cho aindeccuma ccushaeñe in'jamba tsa'caen vanaña'chove agattoccoeyi antte panshaen vana'fasa'ne.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Lucas 24:47

Toya'caen tsu tevaen: Jerusaléne ashaemba tsu Cristone ñotsse condase'choma poi ande'su aindeccunga condaseya'cho cuintsu paña'faye. Pañamba tise'pa egae tsincon'choma chi'gapa Cristove in'jan'ninda tiseja a'i egae tsincon'choma joqquitssiaña.

Zacarías 9:10

Jipa tsu Efraín (israendeccu) gera caroma nepiaña. Jerusaléni'su (judándeccu) gera cavayoma'qque itsapa gera battittianccuma'qque u'ccaya. Poi andeni “¡Opatsse canse'faja!” qquen mandapa tsu fae mar'ye faesu marnga mandaya. Nane Eufrates naene sefacco já ccutsuni tsu mandaya.

Canjaen'cho 1:20

Nane ña tansinfa'su tivema qui siete o'fema atte. Siete cori tuñoma ccutsian'choma'qque qui atte. Qquen tsu canjaen'fa: Siete tuñoma ccutsian'choja tsa siete Jesúsve in'jamba bo'fa'cho tsu. Siete o'feja siete bo'fa'choma coirasundeccu tsu.

Éxodo 19:16

Dos a'ta pasasi tsanda tsu veyaemba afa'je. Toya'caen sintssia unjimba'cco tsu tsa ccotta'ccoma picco. Nane tsonjen'cho quian'me jen'choma pañamba poiyi'cco canjensundeccu ttun'dundu'je'e dyo'fa.

Mateo 24:24

Nane afopa'cho cristondeccu, afopa'cho “Chiga Aya'fama afasundeccu” tsu attian'faya. Attiamba ñoa'me ti'tsse'tssia canjaen'cho, osha'cho agattoen'choma'qque tsu canjaen'faya a'ima qqueñañe. Nane osha'ta tsu Chiga ttu'se'chondeccuma'qque qqueña'faya.

Mateo 24:32

Higuera tetachojima camba atesu'faja. Ttemba cuname sombosi ccaqueje'qque chu'pasi coejefave daji qquen qui in'jan'fa.

Hebreo'su 12:19

Jen'cho jensi a'ija paña'fa. Tsomba aya'fama pañamba dyopa Chigama iñajan'fa cuintsu ti'tsse afambe'yi ziyaye.