Mateo 23:37 - Cofán: Chiga Tevaen'jen

³⁷ ¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.

Mateo 23:37 Referans Kwoze

Rut 2:12

Que tsa'caen tsomba Na'su israe'su Chiganga jipa tise coira'je'choni ño'faqquia'caen can'jen'ninda cuintsu tise antteja quenga ñotsse afepa tsoña'chove.

Salmos 91:4

Nane arapa tise sanccopai'ccu du'shuma piccoqquia'caen tsu tiseja quema coiraya. Tise sanccopa tsosiccuni can'jensi tiseja ñotsse'yi quema tsomba quema piccoqquia'caen a'tupa an'biaña.

Mateo 23:30

Toya'caen qui su'fa: “Ingi tayopi'su coenzandeccu canseite can'je'an'qque gi tise'pai'ccu fae'ngae Chiga Aya'fama afasundeccuma fi'tti'fambi.”

Mateo 22:3

Tsa na'suja tise'be semasundeccuma mandamaña tayo ttu'se'chondeccuma ttu'seye cuintsu ji'faye. Mandamañasi ttu'se'chondeccu jiye chi'ga'fa.

Mateo 5:12

Nane avujatsse can'jen'faja. Chiga sefacconi qui tsain'bitssia'ma isu'faya. Que'ima afaseqquia'caen tsu tayopi'su a'i'qque que'ima otien'su Chiga Aya'fama afasundeccuma'qque afase'fa.

Oseas 11:2

Tsa'ma ti'tsse tisema ttu'sesi ti'tsse tsu tiseja ccaningae ja. Nane ña aindeccuja afopa'cho chigandeccunga osha'choma afepa ñoña'cho chigandeccunga'qque ñome'bama oque oraen'fa.

1 Tesalónica'su 2:15

Nane israendeccuja tayópi tise'pani'su Chiga Aya'fama afasundeccuma fi'tti'fa. Tsa'caeñi tsu Jesúsma'qque fi'tti'fa. Toya'caen ingima'qque noñangiamba tteyamoen'fa. Tsa'caen tsincon'fasi tsu Chigaja tise'pama in'jambi. Tsendeccuja poindeccuma iyicca'yepa

Mateo 22:6

Cca'indeccuja na'sumbe semasundeccuma indipa egae tsomba fi'tti'fa.

Zacarías 1:4

Que'i tayopisundeccu'ye tsonqquia'caen tson'fajama. Nane ña Aya'fama afasundeccu tayópi ña su'choma conda'fa cuintsu tise'pa egae tsincon'choma cati'faye. Tsa'ma tsa'caen conda'fa'ni'qque tsendeccuja ñama paña'fambi ni ña suqquia'caen tson'fambi. Ña, Na'su gi que'inga conda.

Canjaen'cho 17:6

Tsonsi attepa gi in'jan tsa pushesuja anjampama cu'ipa ccusi'je. Nane Chigambe aindeccu anjampama, toya'caen Jesúsve in'jamba tisene condasi fi'tti'fasi pa'chondeccu anjampama'qque cu'ipa ccusi'je. Tisema attepa gi can'boen ccutsu.

Lucas 15:28

Tsa'ma quindyaja iyicca'yepa tsa'onga ca'niñe chi'gapa tsotefani ccutsu. Tsonsi tise yayaja sombopa tisema ca'nian qquen tson.

Jeremías 32:31

Va canqquesundeccuja Jerusalénme ashaeinte ja'ñoa'ngae jo'su ñama iyicca'yeañeñi tsincon'fa. Tsane gi tise'pama iyicca'yepa sefaeña.

Mateo 23:31

¿Ñoa'me ti qui su? Nane que'i su'cho tsu que'i shacama canjaen.