Mateo 21:33 - Cofán: Chiga Tevaen'jen

³³ Paña'faja va faesu condase'choma: Fae ande na'su tise andenga ovaccuve jon. Jomba tseccuma ttu. Ttupa patu changove ñoña ova tsa'ccuma somboeña'chove. Toya'caen se'fatssia tsa'ove'qque tsao'ña tsa'ye tisu caña'jeña'chove. Pa'ccoma ñoñamba na'suja faesu semasundeccunga tsa ovaccuma afe cuintsu sema'faye. Semamba taipa enttingeve na'sunga'qque afe'faya'choe. Andema afepa ccani japa can'jen.

Mateo 21:33 Referans Kwoze

Juan 15:1

Ña gi ñoa'me na'jian'ca'on. Ña Yaya, Chiga Quitsaja ataen'su tsu.

Lucas 19:12

Qquen tsu su: —Ti'tsse'tssia ande na'su ttu'sesi joccapitssia a'i, tise ande'su na'suve dapa jiye, faesu andeni ja.

Marcos 13:34

Tsata tsu fae a'i biani jayipa tsa'o'ye toya sombombi'te manda tise aindeccuma. Nane poinga tise'pa sema'bave manda antte. Etti sombo'tti coira'suma'qque manda cuintsu ñotsse caña'jeñe.

Mateo 23:2

—Manda'choma atesiansundeccu, fariseondeccu'qque tisuja injama'pa qquen tsu in'jan'fa. Chiga tise'pama anttesi Moisés manda'cho su'cho in'jan'choma tansintsse atesian'jen qquen tsu in'jan'fa.

Mateo 21:28

Jesúsja su: —¿Jongoe qquen qui in'jan'fa? Fae tsandie dos dutssiyendeccuve an'bian. Tsomba fae'ccoma su: “Jaricho, ja'ño japa semajan ña ovaccunima.”

Mateo 13:18

Paña'faja gaiña jon'sune condase'choma. Ñotsse pañamba in'jan'faja.

Jeremías 19:3

qquen: ‘Judá nasundeccu, Jerusaléni can'jensundeccu'qque, ñotsse paña'faja Na'su Israel Chiga, tsa Osha'choma Oshacho'cho Chiga, que'inga qquen su'choma: Va canqquenga gi ñoa'me ega dañoqque'suve tsoña cuintsu majan paña'da ñoa'me dyopa can'boen ccutsu'faye.

Isaías 1:10

¡Sodoma nasundeqquiacan qui! Na'su que'inga su'choma paña'faja. ¡Gomorra canqquesundeqquiacan qui! Ñotsse paña'faja ingi Chiga que'ima atesiaña'choma.

Mateo 20:1

Nasipa na'su tise'be semasundeccuma ttu'sepa afepoenqquia'caen tsu Chigaja tisema na'sian'cho aindeccuma ttu'sepa afepoeña. Nane nasipa na'su sinte'yi japa semasundeccuma ttu'se cuintsu tise ovaccuni japa sema'faye.