Mateo 21:28 - Cofán: Chiga Tevaen'jen

²⁸ Jesúsja su: —¿Jongoe qquen qui in'jan'fa? Fae tsandie dos dutssiyendeccuve an'bian. Tsomba fae'ccoma su: “Jaricho, ja'ño japa semajan ña ovaccunima.”

Mateo 21:28 Referans Kwoze

1 Corinto'su 15:58

Tsa'cansi, in'jan'cho faengasundeccu, dyombe'yi ta'etsse in'jan'faja. Na'su sema'bama quinsetsse sema'faja. Nane que'ija atesu'fa qui Na'su Cristone semasi Tise que'ima fuitesi qui injanga sema'fambi.

1 Corinto'su 10:15

Que'i qui injama'pa'fa. Ñama ñotsse pañamba ñotsse in'jan'faja.

Mateo 20:1

Nasipa na'su tise'be semasundeccuma ttu'sepa afepoenqquia'caen tsu Chigaja tisema na'sian'cho aindeccuma ttu'sepa afepoeña. Nane nasipa na'su sinte'yi japa semasundeccuma ttu'se cuintsu tise ovaccuni japa sema'faye.

Marcos 13:34

Tsata tsu fae a'i biani jayipa tsa'o'ye toya sombombi'te manda tise aindeccuma. Nane poinga tise'pa sema'bave manda antte. Etti sombo'tti coira'suma'qque manda cuintsu ñotsse caña'jeñe.

Lucas 13:4

Toya'caen voeyi tsu Siloé'su se'fatssia tsa'o osuipa amppisi diez y ocho a'i pa'fa. ¿Tsendeccuta ti poiyi'cco Jerusalensundeccuma ti'tsse shacapa'fa?

Mateo 21:33

Paña'faja va faesu condase'choma: Fae ande na'su tise andenga ovaccuve jon. Jomba tseccuma ttu. Ttupa patu changove ñoña ova tsa'ccuma somboeña'chove. Toya'caen se'fatssia tsa'ove'qque tsao'ña tsa'ye tisu caña'jeña'chove. Pa'ccoma ñoñamba na'suja faesu semasundeccunga tsa ovaccuma afe cuintsu sema'faye. Semamba taipa enttingeve na'sunga'qque afe'faya'choe. Andema afepa ccani japa can'jen.

Mateo 17:25

Pedroja su: —Ju, afepoen'jen tsu. Tsonsi Pedro tsa'onga ca'nimba toya afambi'te Jesús tisema o'tie afapa iñajampaña: —Simón, asi'ttaemba ñanga condaja: ¿Majama tsu ande nasundeccuja impuestoma iñajamba isu'fa? ¿Tisupa dushundeccuma ti isu'fa? Tsambi'ta ¿cca'indeccuma ti isu'fa?

Mateo 22:17

Tsa'caen atesian'jen'da que in'jan'choma inginga condaja: ¿Chiga manda'chota ti antte cuintsu ingija na'su César iñajansi impuestoma afeye? ¿Tsambi'ta se'pi ti?

Mateo 21:27

Tsa'caen asi'ttaemba Jesúsma qquen su'fa: —Majan Juanma fetiye manda'chove atesu'fambi gi. Tsonsi Jesús'qque tise'pama qquen su: —Jen'da ña'qque que'inga condaya'bi gi majan mandasi ña tsa'caen tsincon'chove.

Mateo 21:29

Dutssi'yeja su: “In'jambi gi.” Tsa'ma ti'tsse camba asi'ttaemba sema'su ja.