Mateo 20:31 - Cofán: Chiga Tevaen'jen

³¹ Qquen fundo'je'fasi cca'indeccuja tise'pama iyu'u'fa cuintsu ziya'faye. Tsa'ma ziyambe'yi ti'tsse quia'me afa'fa: —Na'su, David Dutssi'ye, ingima mende'yeja.

Mateo 20:31 Referans Kwoze

Mateo 19:13

Tsonsi chambanaccu tise'pa dushundeccuma Jesúsnga i'fa cuintsu Jesús dushundeccuma pporaeñe. Pporaemba tise'pane Chigama iñajañe. Tsa'ma toya jiña'fasi Jesúsma shondosundeccu Jesúsnga catseye se'pi'fa.

Colosa'su 4:2

Anttembe'yi Chigama iñajamba canse'faja. Anambiqquia'caen injama'chone Chigama ñotsse afapa iñajan'faja.

1 Tesalónica'su 5:17

Chigama iñajan'jen'choma antte'fajama.

Mateo 15:23

Qquen fundo'jesi Jesús pañambiqquia'caen tisema afambi. Afambisi tisema shondosundeccu Jesúsnga catsepa su'fa: —Jovama mandamañajan. Panshaen tsu ingi'ccu omboencamba fundocan.

Lucas 18:39

Qquen fundosi o'tie jayisundeccuja tisema se'pipa su'fa: —¡Ziyaja! Tsa'ma ti'tsse quia'me fundo: —David Dutssi'ye, ñama mende'yeja.

Mateo 9:27

Jesús tsene sombosi dos bini tisema omboemba japa fundondo'e su'fa: —Na'su David Dutssi'ye, ingima mende'yeja.

Mateo 20:30

Jayi'fasi dos bini ja'je'cho tsaiqui utufani dyaipa a'i ja'je'choma paña'fa. Jesús'qque panshanjin qquen pañamba fundondo'e afa'fa: —Na'su, David Dutssi'ye, ingima mende'yeja.

Mateo 20:32

Tsonsi Jesús já ccutsupa tise'pama ttu'se. Ttu'sepa iñajampaña: —¿Jongoesuve que'inga tsoñe qui in'jan'fa?