Mateo 19:28 - Cofán: Chiga Tevaen'jen

²⁸ Qquen susi Jesús su: —Ñoa'me gi su: Jai'ngae osha'cho cuname dasi Sefaccone Ji'cho A'i tise ñotssia dyaipa'chonga dyaipa manda'nijan que'i'qque doce dyaipa'chonga dyaipa doce israendeccu'su aindeccuma manda'faya.

Mateo 19:28 Referans Kwoze

Mateo 25:31

Jesús ti'tsse atesiamba su: —Sefaccone Ji'cho A'i na'suve dapa tise sefacconi'su shondosundeccui'ccu jipa tise ñotssia dyaipa'chonga tsu dyaiya.

Canjaen'cho 20:4

Tsomba tse'i tsain'bio na'su dyaipa'choma gi atte. Dyaipa'choma attepa gi tsanga dyaisundeccuma'qque atte. Chiga anttesi tsendeccuja injama'choma somboeñe dyai'fa. Toya'caen Jesúsve in'jansi fi'ttisi pa'chondeccuma'qque atte. Nane tsendeccuja Chiga Aya'fama candusiansi cca'indeccu iyicca'yepa tise'pa tsovema chattupa fi'tti'fa. Tsendeccuja dyo'ccoa cocoyama, ni ñoña'cho cocoyama'qque iñajan'fambi. Toya'caen tsu se'pi'fa cocoya inise tevaen'ttima tise'pa tivenga, tise'pa tsovejunga tevaeñe. Tsendeccuma fi'ttisi ccase qquendyapa mil canqque'fave Cristoi'ccu manda'je'fa.

Canjaen'cho 7:4

Tsonsi gi paña mañi'cco a'ima tsu tsa'caen tevaen'cho: ciento cuarenta y cuatro mil israendeccuma tsu Chigambe qquen tevaeña'cho.

2 Pedro 3:13

Tsa'ma ingija Chiga su'choma pañamba gi sefacco cuna, ande cuname ronda'je'fa. Tsenijan osha'cho ñotssiayi tsu. Osha'cho tansintssiayi tsu.

Mateo 16:27

Ñajan Sefaccone Ji'cho A'i joccapitssia've dapa ccase jiya. Chiga ña Quitsaja ñama ñotssiave canjaensi Chigama sefacconi'su shondosundeccui'ccu jipa gi attiaña. Ñajan tsa'caen attiamba a'i tsonqquia'caen poiyi'cco a'inga afeya. Ñotsse tso'ninda ñotssiama gi afeya. Ega tso'ninda egama gi afeya.

Isaías 65:17

“Que Canjan. Cuna sefacco, cuna andeve gi agattoeña. Tayo pasa'choma aqque'papa minguite'qque a'ija tsama injan'jeñambi.

Canjaen'cho 21:5

Tsonsi na'su dyaipa'chonga dyai'suja su: —Ja'ño gi osha'choma cuname agattoeña. Toya'caen tsu su: —Va su'choma tevaenjan. Ñoa'me tansintssi tsu. Toya'caen pañamba qui tsa'caen tsoña qquen in'jan'faya.

Canjaen'cho 4:4

Toya'caen na'su dyaipa'cho jin'ttini tsu faesu veinticuatro dyaipa'choja itoyetsse ccutsu'fa. Tsani tsu veinticuatro coenzandeccu dyai'fa. Totoa ondiccu'jema ondiccucho'cho, poiyi'cco tsu cori otifaccuma otifacho'fa.

Canjaen'cho 3:21

Majan patsu'ninda gi tisenga afeya cuintsu ñai'ccu dyaipa fae'ngae mandaye. Nane ña patsupa ña Yayai'ccu dyaipa fae'ngae mandaqquia'caen tsu tsaja ñai'ccu fae'ngae mandaya.

2 Timoteoga 2:12

Vana'jen'da gi tisei'ccu na'suve dapa manda'faya. Tisema a'tie'ninda tsu ccane'qque tiseja ingima a'tieña.

Tson'fa'cho 3:21

Tsa'ma ja'ñonda tsu Jesúsja sefacconi ro'ndá can'jeña'cho, osha'choma Chiga ccase ñotsse ñoñaña'gae. Nane tayopi Chigaja Tise Aya'fama ñotsse afasundeccuma afaensi tsu tsane ya'caen condase'fa.

Mateo 20:21

Iñajañe tson'jensi Jesúsja tisema iñajampaña: —¿Jongoesuve qui in'jan? Tiseja su: —Queja ande na'suve dapa chigáne antteja cuintsu va ña dos dutssiyendeccu ti'tsse joccapitssia nasundeccuve dapa que tansinfanga, que pavefanga pporotsse dyaipa manda'faye.

Canjaen'cho 22:2

canqque tsaiqui enttingeni ai'je. Poi otafani tsu cansiaña'cho quini'ccoja ccutsu'fa. Fae canqque'fanga tsu tsa quini'ccoja doce nafave naña. Nane poi ccovu tise teta'choja naña. Tsa cansiaña'cho quini'cco'su ccaqueje'qque seje'pa tsu poi ande'su a'ima ccushaeñe.

Esdras 6:17

Fiestaemba tsu cien vaura quitsaye, dosciento oveja quitsaye, cuatrociento oveja quitsaye du'shuma'qque oque oraemba Chiganga afe'fa. Toya'caen tsu afe'fa doce chivoma, poi israe'su doce aindeccu fae chivo, fae chivove, poi israendeccu egae tsincon'chone.

1 Reyes 18:31

doce patuve isupa. Nane tayopi'su Jacob'ye Chiga tisema Israelve inisiainte doce dutssiyendeccuve an'bian. Tsendeccu'ye tsu israe'su doce aindeccuja sombo'fa. Tise'pa'ye tsu Elíasja tsa'caen doce patuve isupa

Josué 3:12

Tsa'cansi ttu'se'faja poi doce'su israe'su aindeccu'suma fae'cco, fae'ccove cuintsu doce tsandieve nepiye.

Éxodo 24:4

Tsa'caen su'fasi Moisésja pa'cco Na'su Chiga su'choma tevaen. Ccaqui a'ta ñoa'me sinte'yi jangipa ccotta'cco tsosiccuni Chiganga afeye oque'je'chove ñoña. Toya'caen dose patu biaccova'ma'qque ccutsutsian cuintsu dose Israel naccuve canjeñe.

Éxodo 15:27

Marane sombopa Elimni nepi'fa. Tseni tsu dose tsa'ccu sombo'je'tti jin. Toya'caen setenta quini'jin tseni ccutsu'fa. Tseni nepipa tsa'ccu jin'ttini can'jen'fa.

Canjaen'cho 12:1

Tsomba tse'i sefaccone ti'tsse canjaen'cho attiansi gi atte. Pushesu tsu attian. Coejechigama ondiccupa cose'suchiganga ccutsu. Tise tsovenga doce o'feve otifacho.

Mateo 6:33

Tsa'cansi que'ija o'tie Chiga Quitsama na'suve in'jan'faja. Tsa'caen in'jamba Tise in'janqquia'caen cansesi tsu Chiga Quitsaja que'inga osha'cho jongoesu shaca'ninda afeya.

Mateo 8:20

Jesús tisema su: —Quiya tsu tise'pa ana'jen'cho changove an'bian'fa. Chhiriria'qque tise'pa tsao'pave an'bian'fa. Tsa'ma Sefaccone Ji'cho A'i gi mani japa anaña'chove mecho.

Mateo 19:27

Tsonsi Pedro su: —Na'su, ingija osha'cho ingi an'bian'choma catipa gi quei'ccu fae'ngae jacan'fa. ¿Jongoesuma gi isu'faya?

Marcos 10:37

Tsonsi su'fa: —In'jan'fa gi que na'suve dasi fa'eja que tansinfanga, faesuja que pavefanga dyaiye.

Canjaen'cho 11:16

Qquen susi tsa veinticuatro coenzandeccu Chigama shoquendi'e na'su dyaipa'choni dyaisundeccu andenga amppi ccuipa puntssan'fa. Cambaju andenga puntssamba Chigama ñotsse afa'fa

Canjaen'cho 22:5

Tsenijan coseve'qque me'i'on. Ni tuño ni coejechiga chanjuña'bi a'ima attiañe. Tsa'ma Na'su Chiga tsu poiyi'ccoma attiaña. Poiyi'cco tsu tseni tsangae can'jemba tsangae na'suve dapa manda'faya.