Mateo 17:6 - Cofán: Chiga Tevaen'jen

⁶ Tsa'caen afa'choma pañamba Jesúsma shondosundeccu dyopa andenga amppipa puvie ccui'fa.

Mateo 17:6 Referans Kwoze

2 Pedro 1:18

Nane Jesúsi'ccu Chiga attiaña'cho ccotta'cconi can'jemba gi sefaccone tsa'caen afa'choma paña'fa.

Tson'fa'cho 26:14

Tsa'caen chanjunsi ingija poiyi'cco andenga amppi'fa. Amppipa gi ñajan paña hebreo aya'fangae qquen su'choma: “Saulo, Saulo, ¿jongoesie qui ñama noñangiamba mandiancan? Queja ñama in'jangae tsincomba qui tisuma bove iñaccaen. Nane na'su quiccu'je'chonga vaura tsuipa tisuma ti'tsse iñaccaenqquia'caen qui tisuma bove iñaccaen.”

Tson'fa'cho 22:7

Andenga amppipa gi paña qquen afa'choma: “Saulo, Saulo, ¿jongoesie qui ñama noñangiamba mandiancan?”

Jueces 13:22

In'jamba tise pushenga su: —¡Ñoa'me gi paye tson'jen'fa tayo Chigama attepa!

Jueces 13:20

Nane oque oraen'cho si'nge anchandasi tsu Na'su Chigama sefacconi'su shondo'suja si'ngenga ca'nimba sefacconi ansunde. Tsama attepa Manoa tise pushe'qque camba'jui'ccu andenga amppi ccui'fa.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Mateo 17:7

Tsonsi Jesús tise'panga catsepa pporaemba su: —Jangipa ccutsu'faja. Dyombe can'faja.