Mateo 17:25 - Cofán: Chiga Tevaen'jen

²⁵ Pedroja su: —Ju, afepoen'jen tsu. Tsonsi Pedro tsa'onga ca'nimba toya afambi'te Jesús tisema o'tie afapa iñajampaña: —Simón, asi'ttaemba ñanga condaja: ¿Majama tsu ande nasundeccuja impuestoma iñajamba isu'fa? ¿Tisupa dushundeccuma ti isu'fa? Tsambi'ta ¿cca'indeccuma ti isu'fa?

Mateo 17:25 Referans Kwoze

Mateo 22:21

Qquen iñajampañasi tsu su'fa: —Na'su Césarmbe tsu. Tsonsi Jesús su: —Tsa'caenda Césarmbemajan Césarnga afe'faja. Toya'caen Chigambemajan Chiganga afe'faja.

Mateo 22:19

César iñajansi afepoen'cho corifin'dima ñanga canjaen'faja. Qquen susi denario corifin'dima tisenga ipa canjaen'fa.

Mateo 22:17

Tsa'caen atesian'jen'da que in'jan'choma inginga condaja: ¿Chiga manda'chota ti antte cuintsu ingija na'su César iñajansi impuestoma afeye? ¿Tsambi'ta se'pi ti?

1 Samuel 17:25

su'fa: “¡Ay! ¿Atte'fambi ti qui va ja'ño sombo'cho a'i, israendeccuma noñangiamba afaseye ji'choma? ¿Majan tsu tisema patsuye osha? Nane majan jovama patsu'ninda tsu na'su Saúlja tsama ricove tsomba tise onque'ngema'qque tisenga antteya cuintsu pusheye. Toya'caen tsu tsa a'imbe antiandeccuja pasa'faya jongoesuveyi'qque goviernonga afepoen'jen'chove metssia've.”

Mateo 3:15

Tsa'ma Jesúsja Juanga su: —Cuintsu queja ñama fetiya'cho. Tsa'caen tsomba gi ingija pa'cco Chiga in'jan'chove ñotsse tson'faya. Tsa'caen susi Juanjan ti'tsse se'pimbe'yi Jesúsma feti.

Mateo 17:26

Pedro asi'ttaemba su: —Cca'indeccuma tsu isu'fa. Tsonsi Jesús su: —Tsa'caen cca'indeccuma isu'ninda tisupa dushundeccu afepoen'faya'bi. Qquen tsu Chiga'qque in'jan.

Lucas 20:22

¿Chiga manda'chota ti antte cuintsu ingija na'su Césarnga impuestoma afeye? ¿Tsambi'ta se'pi ti?