Mateo 17:20 - Cofán: Chiga Tevaen'jen

²⁰ Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

Mateo 17:20 Referans Kwoze

Lucas 17:6

Na'su tise'pama su: —Que'ija ñame re'riccoe in'jan'da ñoa'me qui osha'choma osha'faya. Nane mostasa choja ñoa'me'qque chipiri tsu. Que'i in'jan'choja tsa'caen chipiri'ccu qui va rande quini'jin joqquitssiye mandaye osha'faya. “¡Joqquitssipa na'enga amppija!” qquen manda'ninda tsa'caen tsu daya.

Marcos 11:23

Nane ñoa'me gi su, majan a'i va ccotta'ccoma “Joqquitssipa marnga jaja” qquen susi tsa'caen tsu jaya. Nane tisu injama'cho shacambipa, “tisu suqquia'caen tsu daya,” qquen in'jan'ninda tsa'caen tsu daya.

Lucas 18:27

Tsa'ma Jesúsja su: —A'i oshambi'ni'qque tsu Chigaja oshaya.

Lucas 1:37

Nane Chigaja osha'choma oshacho.

Mateo 21:21

Jesús tise'pama su: —Ñoa'me gi que'ima su: Ñame in'jamba injama'cho shacambi'ta que'i'qque ña higuera'jima tsonqquia'caen qui tson'faya. Toya'caen ti'tsse tsomba qui va ccotta'ccoma suye osha'faya: “Va'ttie joqquitssipa marnga japa andeccoja.” Qquen mandasi tsu tsa'caen tsoña.

Marcos 9:23

Jesúsja su: —¿Jongoesie qui su “osha'ta”? Nane pa'cco tsu oshayeya tise in'jan'nijan.

1 Corinto'su 13:2

Ñajan Chiga su'choma pañamba condasepa, osha'cho Chiga condambe'yi tsoña'chove atesupa, Tise ma'caen tsoña'choma'qque atesupa, toya tisupapora ñotsse in'jambi'ta gi barembi. Nane Chigave in'jamba ccotta'cco randema joqquitssiye mandaye oshapa, toya tisupapora ñotsse in'jambi'ta gi barembi.

Mateo 13:31

Faesu condase'choma'qque tise'panga qquen conda: —A'i Chigama na'sian'cho aindeccuve dapa ti'tsse tsu atapa'faya. Nane mostasa cho'ca'on tsu. A'ija mostasa choma tise nasipanga jon.

Juan 11:40

Tsa'ma Jesúsja su: —¿Minga gi su'a: “In'jan'da qui atteya Chigaja ti'tsse'tssiave.”?

Marcos 4:31

Nane tsata tsu mostasa choma andenga jonqquia'can. Pa'cco va andeni jinchombe choma bove'cco tsu mostasa choja.

Hebreo'su 3:19

Tsa'cansi gi in'jan'fa tsendeccuja Chigama pañañe chi'gapa Chigai'ccu tsangae opatsse can'jeña'chonga ca'ni'faya'bi.

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

1 Corinto'su 12:9

Cca'ima toe Chiga Qquendya'pa in'jaensi ti'tsse Jesúsve in'jamba can'jen'fa. Cca'indeccuma toe Chiga Qquendya'pa in'jaensi a'ima se'jeye osha'fa.

Mateo 17:9

Ccotta'cco'ye ande jipa Jesús tise'pama manda: —Que atte'choma ña toya can'jen'ni majangayi'qque conda'fajama. Sefaccone Ji'cho A'i gi ccase qquendyasi condaya'cho.

Mateo 8:26

Tsonsi Jesús su: —¿Jongoesie qui ñame in'jambipa dyo'fa? Qquen supa jangi ccutsupa fingiama iyu'usi vuiqui. Shave'pama'qque iyu'usi ñoa'me ppimppianccuve da.

Mateo 17:19

Omboe Jesús tisuyi can'jensi tisema shondosundeccu catsepa iñajampaña'fa: —Ingija ¿micomba gi cocoyama joqquitssiañe osha'fambi?

Marcos 11:22

Tsonsi Jesúsja su: —Chigave in'jan'faja.

Mateo 14:29

Qquen susi Jesús tisema su: —Jujú, ¡jija! Tsonsi Pedro shavo'ye sombopa na'en omba'ye tsui ja Jesúsnga jaye.