Mateo 15:25 - Cofán: Chiga Tevaen'jen

²⁵ Pushesu tise su'choma pañamba catsepa Jesús tsutteccofanga ccaru dyaipa su: —Na'su, ñama fuiteja.

Mateo 15:25 Referans Kwoze

Marcos 9:22

Nane tsain'bitsse cocoya ña du'shuma si'ngenga, na'enga amppiamba fi'tti qquen tsincon. Tsa'cansi que osha'ta ingima mende'yepa fuiteja.

Mateo 20:31

Qquen fundo'je'fasi cca'indeccuja tise'pama iyu'u'fa cuintsu ziya'faye. Tsa'ma ziyambe'yi ti'tsse quia'me afa'fa: —Na'su, David Dutssi'ye, ingima mende'yeja.

Mateo 14:33

Shavoni can'jensundeccu Jesúsnga catsepa ccaru dyaipa tisema ñotsse afa'fa qquen supa: —Que qui ñoa'me Chiga Dutssi'ye.

Génesis 32:26

Tsa'caen tsomba tsa a'ija su: —Antteja tayo tsu a'taye tson'jen. —Que ñama ñotsse tsoña'chove afambi'ninda antteya'bi gi –qquen tsu su Jacobja.

Marcos 9:24

Tsonsi du'shumbe yayaja fundondo'e afa: —In'jan gi ñajan. ¡Ñama fuiteja ña ti'tsse in'jañe!

Mateo 8:2

Na congomba paji'su tisenga catsepa ccaru dyai. Jesúsnga ccaru dyaipa iñajan: —Na'su, que in'jan'da qui ñama giya'tsse ccushaeñe osha.

Mateo 15:26

Jesúsja su: —Ñotssimbi tsu du'shu an'jen'choma itsapa ainga o'fiañe.