Mateo 14:9 - Cofán: Chiga Tevaen'jen

⁹ Qquen susi Herodes ñombi'ye. Tsa'ma ñoa'me su'choi'ccu afeye supa poiyi'cco fiestani jisundeccu paña'fasi tiseja manda pushesu in'janqquia'caen tsoñe.

Mateo 14:9 Referans Kwoze

Lucas 13:32

Jesúsja pañamba tise'pama su: —Herodesja afopoen'su tsu. Japa tisenga qquen su'faja: “¡Que canjan! Ñajan ja'ño a'ta, tu'i'qque cocoyama joqquitssiamba a'ima ccushaen'jeña'cho. Tui've gi naniña.”

Marcos 6:26

Qquen iñajansi na'su Herodes ñoa'me ñoquimbi. Tsa'ma ñoa'me su'choi'ccu tayo susi tisei'ccu dyaisundeccu'qque paña'fachosi afopoeñe in'jambi.

Marcos 6:20

Nane na'su Herodesja Juan egae jinchombipa ño'asi atesupa fi'ttiye dyojo. Tsa'caen in'jamba tsu se'pi Herodías Juanma fi'ttiye. Tsa'camba na'su Herodes Juanma pañañe in'jan'ma tise injama'choni dyojoqquia'caen asi'ttaen. Tsa'ma toya tsu avujatsse tisema paña.

Marcos 6:14

Poiyi'cco a'i Jesúsne ñotsse afa'fasi Na'su Herodes'qque paña. Nane majandeccu su'fa: —Feti'su Juan pa'cho tsu ccase qquendya. Tsa'camba tsu osha'choma oshacho.

Mateo 14:5

Tsa'ma fi'ttiye in'jan'ma tsa andesundeccuma dyojopa antte. Nane poiyi'cco a'i tsu in'jan'fa Juanjan Chiga Aya'fama afa'su.

Mateo 14:1

Tse'i Galilea ande na'su Herodes osha'cho Jesús tson'chone paña.

Mateo 14:8

Herodes qquen susi pushesuja, tise chan Herodíasi'ccu condasepa chan in'janqquia'caen japa Herodesma su: Ñanga afeja Feti'su Juan tsovema. Patiyanga ppiñamba ñanga afeja.

Mateo 14:10

Mandasi sundarondeccu picco'je'ttinga japa Juan tsovema chattu.