Mateo 14:33 - Cofán: Chiga Tevaen'jen

³³ Shavoni can'jensundeccu Jesúsnga catsepa ccaru dyaipa tisema ñotsse afa'fa qquen supa: —Que qui ñoa'me Chiga Dutssi'ye.

Mateo 14:33 Referans Kwoze

Salmos 2:7

Tsa ñama ttuse'su Na'su su'choma gi condaya: Nane tiseja ñama su: “Que qui ña dutssi'ye; ja'ño gi quema atte.

Juan 11:27

Tiseja su: —Ju, Na'su. Ñajan in'jan gi queja Cristo, Chiga Dutssi'ye, va andenga ji'cho.

Juan 1:49

Natanaelja pañamba su: —Atesian'su, que qui Chiga Dutssi'ye. Que qui israe Na'su.

Romanos 1:4

Tise qquendya'paja sefacconi ñotsse jincho; Chiga Dutssi'ye tsu, osha'choma oshacho. Nane Jesucristo pasi Chiga Qquendya'pa tisema ccase qquendyaemba Jesúsja ñoa'me Chiga Dutssi'ye qquen tsu canjaen.

Marcos 1:1

Qquen tsu Jesucristone ñotsse condase'choja ashaen. Tiseja Chiga Dutssi'ye tsu.

Juan 6:69

Ingita gi tayo in'jan'fa. Atesu'fa gi queta qui Cristo, Chiga Dutssi'ye.

Mateo 16:16

Tsonsi Pedroja su: —Queja Cristo. Tsangae canse'cho Chigambe Dutssi'ye qui.

Juan 17:1

Jesúsja qquen condasepa sefacconima camba qquen su: —Yaya Chiga Quitsa, tayo tsu napi. A'inga canjaenjan ña que Dutssi'yeja ti'tsse'tssia. Tsonsi gi ña que Dutssi'ye'qque canjaeña que'qque ti'tsse'tssia.

Lucas 4:41

Jesús mandasi cocoyandeccu'qque tsain'bio a'i'ye sombombopa qquen fundo'fa: —¡Queja Chiga Dutssi'ye qui! Tsa'ma Jesúsja cocoyama iyu'upa afaye se'pi. Cocoyandeccu'qque atesu'fa Jesúsja Chiga in'jan'cho Cristo tsu.

Marcos 15:39

Sundaro capitán tse'tti Jesúsma can ccutsu'su Jesús ma'caen fundopa pa'choma attepa qquen su: —Va tsandieja ñoa'me Chiga Dutssi'ye tsu.

Mateo 28:17

tse'ttinga tisema cachui'fa. Cachuipa tisema in'jamba ñotsse afa'fa. Tsa'ma majan tisema attepa injama'cho shacasi ñoa'me Jesús tsu qquen in'jan'fambi.

Mateo 28:9

Jayi'fasi tse'faei'ccuyi Jesús tise'pama cachuipa chigambian. Chigambiansi tisenga catsepa ccaru dyaipa tise tsu'ttema munsin indi'fa. Munsin indipa tisema in'jamba ñotsse afa'fa.

Mateo 26:63

Tsa'ma tsa'caen iñajampaña'ni'qque Jesúsja afambi. Afambisi joccapitssia Chigama afa'su na'suja su: —Cansia Chiga caña'jen'ni gi quema manda: Inginga tansintsse condaja: ¿Queta ti qui Cristo? ¿Chiga Dutssi'ye ti qui?

Juan 19:7

Tsa'ma israendeccuja su'fa: —Tiseja “Ña gi Chiga Dutssi'ye” qquen supa tsu shacapa. Nane ingi manda'cho jinqquia'caen tsa'caen su'cho a'imajan fi'ttiya'cho.

Lucas 24:52

Tsa'caen jasi shondosundeccuja Jesúsne ñotsse afapa ñoa'me avujapa toequi Jerusaléni shanda'fa.

Mateo 27:54

Tsa'caen tsonsi sundaro capitán, faesu Jesúsma caña'jen'cho sundarondeccu'qque osha'choma atte'fa. Ande oya'je'choma'qque in'jamba dyo'fa. Dyopa su'fa: —¡Va tsandieja ñoa'me Chiga Dutssi'ye tsu!

Mateo 15:25

Pushesu tise su'choma pañamba catsepa Jesús tsutteccofanga ccaru dyaipa su: —Na'su, ñama fuiteja.

Mateo 4:3

Qquipoe'susi cocoya na'suja tisenga jipa qqueñacañe in'jamba su: —Queja ñoa'me Chiga Dutssi'ye'ta mandaja cuintsu va patu sheque'cho anqque'su panme dasi añe.

Daniel 3:25

—Nane cuatro a'i tayo ccupayepa mingae dambe'yi si'nge enttinge'ye tsui ja'je'fa'choma gi atte. Fae'ccoja ñoa'me sefacconi'su a'i ai'voa'can tsu.

Tson'fa'cho 8:36

Tsa'caen condasepa tsaiquingae jayipa singu'ccuma atte'fa. Attepa onocoja su: —Va'tti tsu singu'ccuja jin. ¿Ñama fetiye'ta ti ñotssi?

Lucas 8:28

Jesúsma attepa fundopa Jesús tsutteccofanga ccarupa dyai. Nane tsain'bitssi cocoya tsa a'inga ca'nisi canqquesundeccuja tisema coiraye candena yoshavai'ccu tandamba an'bian'fa. Tsa'ma cocoya ca'ni'choja candenama oppattu catisi cocoya tisema anga a'i menia. Jesúsja tsa a'i'ye joqquitssiye cocoyama mandasi a'ija quia'me fundopa su: —Joccapitssia Chigambe Dutssi'ye qui, Jesús. ¿Jongoesie qui ñani ji? Chigáne ñama noñangianjama.

Marcos 14:61

Tsa'ma Jesúsja fae ayafaveyi'qque afambi. Afambisi Chigama afa'su na'suja ccase iñajampaña: —¿Que ti qui Chiga in'jan'cho Cristo? ¿Que ti qui Ño'a Chigambe Dutssi'ye?

Mateo 27:43

Tiseja Chigave in'jan qquen tsu su. Tsa'cansi Chiga tisema ñoa'me in'jan'da cuintsu Chigaja tisema ja'ño ccushaenjan. Nane tayo tsu tiseja su: “Ña gi Chiga Dutssi'ye.”

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Mateo 2:11

Tsaoni ca'nimba du'shu Jesúsma atte'fa, tise mama Maríama'qque. Du'shuma attepa ccaru dyaipa tisema iñajamba ñotsse afa'fa. Ñotsse afapa tise'pa cafoma'qque fettapa osha'cho ñotssiama afe'fa. Nane cori, toya'caen bare'cho oque oraenqque'su ñome'ba, toya'caen mirra ñome'bama'qque afe'fa.

Mateo 14:32

Tsomba Jesús Pedro'qque shavonga otsesi fingianjan vuiqui.