Mateo 14:1 - Cofán: Chiga Tevaen'jen

¹ Tse'i Galilea ande na'su Herodes osha'cho Jesús tson'chone paña.

Mateo 14:1 Referans Kwoze

Lucas 3:1

Poi ande'suma joccapitssia na'su, Tiberio César, quince canqque'fave tayo mandasi Poncio Pilato, Judea ande'su governarorve can'jemba manda. Toya'caen Herodesja Galilea ande na'su tsu. Tise quinshin, Felipe tsu Iturea ande na'su. Traconite andema'qque manda. Lisaniasja Abilinia ande na'su.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.

Marcos 8:15

Tsonsi Jesúsja tise'pama mandapa su: —¡Can'faja! Injama'tse in'jan'fajama fariseondeccu cupana'ccoma, ni Herodes cupana'ccoma'qque.

Lucas 23:15

Toya'caen Herodes'qque tisema iñajampaña'ma shacapave attembipa tisema toequi moen. Va a'ija jongoesuma'qque egae tsincombi tisema fi'ttiya'chove.

Tson'fa'cho 12:1

Tseite ande na'su Herodesja majan Jesúsve in'jan'chondeccuma noñangiañe ashaen.

Lucas 3:19

Toya'caen Juanjan ande na'su Herodesma iyu'u. Herodesja osha'cho egave tsomba tise quinshimbe pushe, Herodíasma, itsapa fae'ngae can'jen. Tsa'caen egae tsinconsi Juanjan tisema iyu'u. Iyu'usi Herodesja ti'tsse egae tsincomba iyicca'yepa Juanma picco'je'cho ettinga ca'niamba picco.

Mateo 9:26

Jesús tsa'caen ccushaensi pa'cco tsa ande'ye tsu tsane condasecco'fa.

Mateo 9:31

Tsa'ma tsendeccuja tsaone sombopa pa'cco tsa ande'ye japa tise'pa ccusha'chone conda'fa.

Mateo 13:58

Tsenisundeccu tisema in'jambisi Jesúsja tsain'bio canjaen'choma tse'ttinga canjaembi.

Lucas 8:3

Faesuja Juana. Tise tsa'nduja, Choza, tsu ande na'su Herodes tsa'o na'su. Toya'caen Susana, cca'indeccu'qque fae'ngae jacan'fa. Tise'pa an'bian'choi'ccu, tise'pa corifin'di'ccu Jesúsma, tisema shondosundeccuma'qque fuitepa osha'chove ñoña'fa.

Tson'fa'cho 13:1

Antioquía'su Jesúsve in'jan'chondeccu majan Chiga Aya'fama afasundeccu, majan atesiansundeccu'qque can'jen'fa. Tsendeccuta tsu Bernabé, Simón –tsa Singo qquen inisecho'cho, Lucio– tsa Cirene'su a'i, Manaen –tsa governaror Herodesi'ccu fae'ngae coen'cho, toya'caen Saulo'qque.