Mateo 13:54 - Cofán: Chiga Tevaen'jen

⁵⁴ Tise coen'cho canqquenga napipa Chiga manda'chone atesian'jen'ttinga ca'nimba atesian'jen. Aindeccu pañamba can'boen'fa. Can'boemba su'fa: —¿Majan tsu va tsandiema atesiansi injama'pae da? ¿Majan tsu tisema oshaen sefacconi'su agattoen'choma canjaeñe?

Mateo 13:54 Referans Kwoze

Mateo 7:28

Jesús tsa'caen atesian nanisi poiyi'cco a'i tise atesian'choma pañamba can'boen ccutsu'fa.

Mateo 4:23

Jesúsja pa'cco Galilea ande'ye jacan. Jacamba tseni'su Chiga Aya'fama atesian'jen'ttinga ca'nimba Chigambe aindeccuve daya'chone ñotsse condase'choma atesian'jen. Toya'caen aindeccu osha'cho paqque'sui'ccu paji'fasi Jesúsja tise'pama ccushaen.

Mateo 2:23

Nane Nasaret canqqueni japa can'jen'fa. Tse'tti can'jemba tsu tayopi'su Chiga aya'fama afa'su suqquia'caen tson. “Tiseja Nasareno tsu” qquen tsu tayópija su.

Salmos 22:22

Quene gi afaya ña antiandeccunga. Aindeccu bo'fa'chonga gi quene ñotsse avujatsse afaya.

Tson'fa'cho 13:46

Tsonsi Pablo, Bernabé dyombi'tsseyi afapa su'fa: —Que'i israendeccunga tsu Chiga Aya'fama me'ttia'ye afa'cho. Tsa'ma que'ija pañañe in'jambipa qui tisu injama'choma somboenqquia'caen tisuja shacapa qquen canjaen'fa. Tsa'cansi gi israembindeqquianga condaye tson'jen'fa.

Tson'fa'cho 4:13

Pedro, Juan, tsa'caen dyombi'tsse afa'fasi nasundeccuja asi'ttaen'fa: “Vandeccuja aqquia a'i, escoeranga bo'tsse ca'nimbindeqquia'ta ¿ma'caen tsu ya'cantsse afa'fa?” Qquen asi'ttaemba in'jan'fa tsendeccuja fae'ngae Jesúsi'ccu jacansundeccu.

Juan 1:11

Nane a'ive dapa jisi tisupanaccuja tisema chi'ga'fa.

Lucas 2:47

Jesúsja osha'choma in'jamba tsa'caen condasesi poiyi'cco majan tisema pañasundeccu can'boen'fa.